Clinton: Burns Strider duhet ta kisha shkarkuar nga detyra

Hillary Clinton shprehu keqardhje për marrjen e masës ndëshkimore dhe jo shkarkimin e një anëtari të stafit të fushatës së 2008, i cili u akuzua për ngacmim seksual nga një vartëse.

“Nëse do të duhet t’i kthehesha edhe një herë çështjes, nuk do ta kisha kursyer”, shkruan ish-kandidatja demokrate për Shtëpinë e Bardhë në një tekst të gjatë të publikuar në faqen e saj në Facebook të martën në mbrëmje.

Në 2007, një anëtare femër e stafit të saj të fushatës dhe që punonte nën varësinë e Burns Strider, këshilltar për çështjet fetare, akuzoi këtë të fundit për ngacmime të përsëritura seksuale.

Drejtoresha e fushatës në atë kohë Patti Solis Doyle rekomandoi shkarkimin e këshilltarit, por Hillary Clinton vendosi t’i mbahej një pjesë nga paga dhe seanca terapie, ndërsa gruaja u transferua në një departament tjetër.

“Po e kam bërë, pasi nuk mendoja se pezullimi nga detyra do të ishte zgjidhja më e mirë për problemin”, shkruan Hillary Clinton, katër ditë pasi në një artikull të New York Times u bë e ditur çështja. Ajo mendoi se masa e ashpër ishte e mjaftueshme për të parandaluar një ripërsëritje të mundshme të rastit. /kp/Telegrafi/