Pochettino refuzon Barcelonën dhe Arsenalin

Trajneri i Tottenhamit, Mauricio Pochettino, ka larguar mundësinë e trajnerit të Barcelonës dhe Arsenalit në të ardhmen.

Pochettino është lidhur shumë kohëve të fundit si zëvendësues i Luis Enriques te Barcelona, pasi spanjolli do të largohet në qershor nga klubi katalunase.

Megjithatë, trajneri argjentinas është përkujdesur t’i shuaj këtë thashetheme, duke theksuar se nuk do të ndodh një kalim i tij te Barcelona apo Arsenali, pasi është një mbështetës i Espanyolit dhe Tottenhamit.

“Është e vërtetë që ndodhi një rastësi në një bar të Barcelonës të martën. E kam njohur për një kohë të gjatë përpara se të bëhej presidenti i Barcelonas. Shumë njerëz përshëndeten dhe kalojnë pesë minuta së bashku. Ky është realiteti”, ka thënë fillimisht Pochettino.

Lexo po ashtu Emery largohet, Pochettino drejt PSG?

“Jam një mbështetës i Espanyolit. Nuk kam pse flas më shumë se kaq. Edhe nëse pronari i Spurs, Daniel Levy do të më shkarkojë në vitet në vazhdim dhe të jem i lirë, do të ishte e pamundur të trajnoja Arsenalin.

“Në futboll është e vështirë të qëndrosh besnik, por besoj se një trajner duhet të jetë besnik. Jam një tifoz i Espanyol. Unë e dashuroj atë ekip,” shprehet argjentinasi.

Tottenhami do të rikthehet në fushën e blerë këtë fundjavë, teksa do të ndeshen me Burnley të shtunën.