Zyra e Kryeprokurorit të Shtetit ditë më parë ka ngritur aktakuzë, në Gjykatën Themelore në Prishtinë, kundër 64 të pandehurve, në mesin e tyre edhe ndaj Ferid Aganit, ministër i Mjedisit dhe Planifikimit Hapësinor.
Menjëherë pas ngritjes së kësaj aktakuze, që ka të bëjë me rastin “Stenta”, ministri Ferid Agani kishte kërkuar nga kryeministri Isa Mustafa që ta lirojë nga detyra. Kryeministri dje mori vendimin që ta lirojë nga detyra e ministrit Ferid Aganin deri në shpalljen e vendimit nga ana e gjykatës lidhur me rastin e tij.
E ngritjen e aktakuzës ndaj Ferid Aganit, analisti Halil Matoshi e konsideron mashtrim të Qeverisë së Kosovës. Ai në një prononcim për Telegrafin ka thënë se ende nuk janë hapur rastet e mëdha të korrupsionit.
“Në imazhin e Kosovës ndikon qeverisja e keqe, natyrisht, mirëpo ngritja e aktakuzave ndaj njerëzve të profilit të lartë ndikon edhe në imazh pozitiv, duke e perceptuar Kosovën si një vend që po ndahet nga krimi. Porse, ky duket të jetë një mashtrim i vetë Qeverisë së Kosovës, sepse rastet e korrupsionit të madh ende as që janë hapur”, ka thënë Matoshi.
Duke pasur parasysh faktin se një ndër kushtet për liberalizimin e vizave për Kosovën, ka qenë luftimi i korrupsionit, Matoshi ka theksuar se rasti i ministrit Agani ndërlidhet edhe me liberalizimin, mirëpo ky rast, sipas tij, nuk do të ndikojë fare në këtë proces.
Ai ka theksuar se hetimet duhet të nisen nga majat e pushtetit, duke bërë të ditur se pritet të ngritën aktakuza të reja ndaj zyrtarëve të tjerë të lartë.
“Po padyshim, janë paralajmëruar 365 raste hetimesh ndaj zyrtarëve të lartë. Objektivisht klasa aktuale politike, e tëra duhet të jetë nën hetime. Porse në Kosovë hetimet ende janë farsë, sepse nuk kanë nisur nga majat e pushtetit”, u shpreh Matoshi për Telegrafin.
Në anën tjetër, avokati Arianit Koci ka theksuar se ngritja e aktakuzës ndaj një ministri duhet të na brengosë të gjithëve.
“Imazhi i Kosovës, dorën në zemër, nuk është për tu lakmuar. Përkundrazi, nuk ka ku shkon më keq. Ngritja e akuzës ndaj një ministri duhet të na brengosë të gjithëve, edhe pse për momentin, ministri Agani është i pafajshëm, deri sa fajësia e tij të provohet me aktgjykim të plotfuqishëm. Atë e mbron prezumimi i pafajësisë”, ka thënë Koci për Telegrafin.
Ai ka shtuar se si shoqëri nuk guxojmë askënd ta gjykojmë në media, dhe se fajësia apo pafajësia e tij duhet të vërtetohet në gjykatë. Koci po ashtu ka theksuar se edhe ky aktivitet i Prokurorisë ka të bëjë me procesin e liberalizimit të vizave.
“Padyshim që aktiviteti i shtuar i Prokurorisë dhe Gjykatave ka të bëjë me faktin që për liberalizimin e vizave, kriter kyç është lufta kundër krimit të organizuar dhe korrupsionit. Organeve hetuese, Prokurorisë dhe Gjykatave duhet ne si shoqëri t’ua krijojmë kushtet që të punojnë të qetë dhe pa presion”, u shpreh Koci, duke shtuar se lufta kundër krimit të organizuar dhe korrupsionit është luftë komplekse që donë shumë kohë, madje edhe shtetet shumë më stabil se Kosova.
“Sidoqoftë, çdo ditë po vërehet që shteti i ynë po stabilizohet dhe rezultatet konkrete po shihen. Mund te mos jemi te kënaqur me rrjedhat në shoqëri, por mendimet dhe qëndrimet defetistë, nuk e ndihmojnë situatën aktuale”, tha Koci.
Ministri Agani dhe Gani Shabani, sekretar i përgjithshëm i një ministrie janë akuzuar për shkak të veprës penale: Keqpërdorimi i pozitës apo autoritetit zyrtar, nga neni 422 par.1 dhe 2 nënparagrafi 2.1, 2.2 dhe 2.4 lidhur më nenin 31 të Kodit Penale të Republikës së Kosovës.
Këta të pandehur duke vepruar në kundërshtim më ligjin për prokurimin publik dhe Udhëzimet Administrative të Ministrisë së Shëndetësisë, si dhe duke lejuar pagesat për trajtimin e pacientëve jashtë Institucioneve Publike Shëndetësore, për periudhën 2011 -2015, i kanë mundësuar përfitim financiar spitalit privat IMH në shumë prej 4,050,958.00 euro dhe spitalit privat EDA në shumë prej 504,595.00 euro apo të dyja spitaleve në shumë të përgjithshme prej 4,555,553.00 euro, duke e dëmtuar buxhetin e Kosovës ashtu që në vend që të lejoheshin pagesat deri ne 70% të shpenzime për trajtim mjekësor, të njëjtit lejuan pagesat prej 100 % edhe për rastet kur nuk ishin plotësuar kushtet ligjore, pra për rastet kur pacientët nuk ishin invalidë të luftës ose raste sociale./Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit