Manchester City ka përgatitur një ofertë të lartë për të siguruar qendërmbrojtësin e Newcastle Unitedit, Tino Livramento.
Skuadra e Pep Guardiolas po synon përforcime në repartin defansiv, me Livramento që shihet si adekuati për sistemin e teknikut spanjoll, si dhe një projekt mjaft afatgjatë.
Siç raporton “Fichajes”, oferta e Cityt është mjaftë ambicioze. Klubi anglez është gati të ofrojë 74 milionë euro, plus një futbollist për të gjetur “gjuhën e përbashkët” me Newcastle, pasi siç dihet nuk është lehtë të negociohet me klubin anglez.
Lojtari i “sakrifikuar” thuhet se është James Trafford. Portieri është në një situatë të komplikuar që kur erdhi Gianluigi Donnarumma, pasi nuk ka zhvilluar asnjë minutë në Ligën premier.
Newcastle Utd në fakt tentoi të nënshkruante me Trafford verën e shkuar, kur portieri ishte pjesë e Burnley. Atë kohë, Man City e fitoi garën për “gardianin” në minutat e fundit.
Newcastle Utd po e konsideron seriozisht këtë ofertë meqenëse vazhdojnë ta vëzhgojnë Trafford, me këtë të fundit që e ka kërkuar largimin nga City për një minutazhë më të lartë diku tjetër./Telegrafi
