Zyrtare: ‘Scorpioni’ i Giroudit zgjidhet goli më i mirë i vitit nga FIFA (Foto)

Goli i sulmuesit francez, Olivier Giroud është zgjedhur si më i miri i vitit 2017.

Ka filluar ndarja e çmimeve nga FIFA në ceremoninë e ndarjes së tyre që po mbahet në Londër.

Në ceremoninë e ndarjes së çmimeve parashihen zgjedhja e lojtarit të vitit, formacionit të vitit, golit të vitit dhe shumë çmimeve tjera individuale.

Çmimi i golit më të mirë të vitit që ndan FIFA apo i njohur ndryshe si “Puskas”, në shenj të legjendës Ferenc Puskas, veçse është ndarë.

Këtë çmim e ka fituar sulmuesi i Arsenalit, francez, Olivier Giroud, përcjell Telegrafi.

Goli i Giroudit i zgjedhur si më i mirë është ai ndaj Crystal Palace i shënuar në Ligën Premier. /Telegrafi/