Zyrtare: Arbër Hoxha bëhet me trajner të ri, Cannavaro merr drejtimin e Dinamo Zagrebit

Klubi kroat Dinamo Zagrebi përmes një njoftimi zyrtar kanë bërë me dije se Nenad Bjelica është larguar nga stoli dhe në vend të tij tashmë është konfirmuar legjenda italiane Fabio Cannavaro.

Bjelica u shkarkua pas një sërë rezultatesh të dobëta në elitën e futbollit kroat, duke bërë që Dinamo të humb hapin në garën për titull kampion. 

Gjatë ditës së sotme (e diel) pati spekulime se legjenda italiane Fabio Cannavaro është kandidati favorit për t’u ulur në stolin e Dinamos. 

Kjo u konfirmua zyrtarisht sonte pasi Cannavaro do të drejtojë Dinamon në pjesën e mbetur të sezonit dhe do të përpiqet ta bëjë sërish kampion. 

Fabio Cannavaro je novi trener prve momčadi GNK Dinamo 🤝💙

Tu odluku Uprave i sportskog direktora je večeras na 15. sjednici Izvršnog odbora podržao predsjednik kluba i Izvršni odbor.

Novi trener će se prvoj momčadi priključiti na okupljanju 3. siječnja kada će biti i službeno… pic.twitter.com/DL0iCSYewb

— GNK Dinamo (@gnkdinamo) December 29, 2024

Hera e fundit që Cannavaro kishte drejtuar një ekip ishte Udinese, teksa ka pasur në menaxhim edhe ekipe tjera si Benevento, kombëtaren e Kinës etj. 

Mbetet të shihet se çfarë efekti do të ketë ardhja e Cannavaros për futbollistin shqiptar Arbër Hoxha. 

Hoxha këtë sezon ka luajtur në 16 ndeshje për Dinamo Zagrebin duke shënuar dy gola dhe duke bërë një asistim. 

Aktualisht, Dinamo renditet e treta në tabelë, shtatë pikë prapa liderit Rijeka. I dyti në tabelë është Hajduk Spliti, dhe tani derbi më i madh kroat ndërmjet Hajdukut dhe Dinamos do të marrë një dimension tjetër sepse këto dy ekipe drejtohen nga dy legjenda italiane – Gattuso dhe Cannavaro.