Zonja e parë e Rumanisë shkaktoi zemërim në opinion, barti stoli ari në vlerë 12 mijë euro gjatë vizitës në Gjermani

Presidenti rumun Klaus Iohannis vizitoi Gjermaninë me gruan e tij dhe fotografitë e publikuara më pas, të cilat i referohen takimeve me një sërë zyrtarësh të qytetit dhe rajonit në Gjermani, shkaktuan zemërim publik.

Gjegjësisht, mediat në Rumani kanë vërejtur se bashkëshortja e presidentit rumun, Carmen Iohannis, gjatë takimeve në Gjermani ka bartur stoli ari në vlerë prej 12 mijë eurosh.

Këto pretendime u konfirmuan edhe nga argjendari rumun, bizhuteritë e të cilit Iohannis i mban, dhe i cili është zyrtarisht edhe si furnizues i stolive për rezidencën mbretërore rumune, transmeton Telegrafi.

“Jemi krenarë që krijojmë bizhuteri të përjetshme që nderojnë dhe festojnë bukurinë dhe individualitetin unik të atyre që i bartin”, thuhet në mesazhin e argjendarit.

Sipas Digi24 rumune, Iohannis kishte bartur stoli ari të bardhë me diamante. Sigurisht që fotot tërhoqën shumë vëmendjen e publikut dhe rumunët kritikuan sjelljen e zonjës së parë.

Për shkak të një sërë komentesh, Zyra e presidentit rumun u detyrua në një njoftim dhe thanë se Iohannis nuk i ka mbajtur stolitë dhe se ajo i ka kthyer në argjendari pasi është kthyer nga Gjermania.

“Zonja e parë barti stolitë e stilistit rumun. Bizhuteritë u kthyen pas kthimit të saj në vend, siç bëhet gjithmonë me rrobat e veshura nga zonja e parë. Nuk kishte asnjë kontratë që përfshinte përfitime financiare pas promovimit të bizhuterive”, u shpreh zyra e presidentit të Rumanisë. /Telegrafi/

View this post on Instagram

A post shared by MALVENSKY JEWELRY HOUSE (@malvenskyofficial)