Zidane: Real Madrid nuk do t’i bëjë korridor nderi Barcelonës, ky është vendimi im

Zinedine Zidane ka përsëritur se Real Madridi nuk do të formojë një korridor nderi për Barcelonën në përplasjen e ardhshme të El Clasicos midis dy kundërshtarëve të vjetër.

Tradita ka diktuar se rivalët më të mëdhenj të La Ligas do të njohin arritjet e njëri-tjetrit, kur nderimet më të larta të jenë të siguruara.

Mund të jetë që Barça ta sigurojë një tjetër titull kampion të Spanjës në La Liga deri në kohën kur ata mirëpresin Los Blancos në Camp Nou më 6 maj.

Lexo po ashtu A do e krijojë Barça korridorin e nderit për Realin në El Clasico?

Megjithatë, atyre nuk do t’iu ofrohen asnjë ‘korridor nderi’ nga Reali, me Zidanen që e konsideron atë traditë të thyer tashmë.

Skuadra e tij nuk mori asnjë nderim në Santiago Bernabeu më 23 dhjetor pas fitores së Kupës së Botës për Klube dhe asgjë nuk do të ofrohet në këmbim të kampionëve të zgjedhur spanjollë.

Lexo po ashtu Barça jep arsyen pse nuk do të bëjë korridorin e nderit për Realin në El Clasico

“Nuk e di sa do të më pyesni, por përgjigja ime është shumë e qartë. Nuk do të ketë korridor nderi dhe ky është vendimi im”, ka thënë fillimisht Zidane.

“Nuk e kuptoj rolin e korridorit të nderit dhe nuk do të ndodhë, edhe pse jemi larg nga fundi i sezonit”.

“Barcelona e theu traditën”, përfundoi trajneri francez i Mbretërve.

Ka pasur vetëm tre raste të mëparshme, në të cilat një korridor nderi është paraqitur në takimet mes Real Madridit dhe Barcelonës.

E para erdhi në vitin 1988 në Camp Nou, në njohjen e triumfit të titullit të Realit, përpara se rolet të ndryshonin në Bernabeu në vitin 1991.

Korridori i fundit i nderit u prezantua nga Barça e Frank Rijkaard në vitin 2008. /Telegrafi/