Zëdhënësi ukrainas thotë se Patriot do të arrijë pas Pashkëve: Do e merrni vesh sapo të rrëzohet aeroplani i parë rus

Një sistem i mbrojtjes ajrore amerikane Patriot pritet të arrijë në Ukrainë diku pas Pashkëve, tha zëdhënësi i forcave ajrore ukrainase, Yuriy Ihnat.

Pashkët Ortodokse janë këtë fundjavë, transmeton Telegrafi.

“Publiku do ta dijë se pajisja e re ka mbërritur ‘sapo të rrëzohet aeroplani i parë rus’”, tha Ihnat në televizionin shtetëror ukrainas.

Një grup prej 65 ushtarësh ukrainas përfunduan stërvitjen e tyre në Stacionin Fort Still të Ushtrisë në Oklahoma, muajin e kaluar.

Më pas ata mësuan më shumë për sistemin e raketave, i cili përdoret për të gjurmuar dhe rrëzuar aeroplanët e armikut, kur ata mbërritën në Evropë.

Një bateri e raketave Patriot zakonisht përfshin gjashtë lëshues celularë, një radar celular, gjenerator të energjisë dhe një qendër kontrolli angazhimi.

Gjermania dhe Holanda janë zotuar gjithashtu të ofrojnë një sistem Patriot për Ukrainën.

Përveç kësaj, një sistem anti-raketë SAMP/T i premtuar nga Franca dhe Italia “duhet të hyjë në Ukrainë në të ardhmen e afërt”, tha Ihnat këtë javë. /Telegrafi/