Zbulohet se si do të paguajë Barcelona te Juventusi për Chiesan

Nuk është sekret që Barcelona ka tashmë marrëveshje me Federico Chiesan.

Ylli i Juventusit është alternativa e tyre pas përfundimit të interesit për Nico Williams, i cili do të qëndrojë në Athletic Bilbaon për të paktën një sezon tjetër.

Barcelona ka zhvilluar bisedime të rregullta me përfaqësuesit e Chiesas në ditët e fundit dhe së shpejti ata do të paraqesin ofertën e tyre hapëse për Juventusin.

Sipas Diario Sport, do të propozohet një tarifë fikse prej 9 milionë euro, me 4 milionë në bonuse të përfshira gjithashtu.

Barcelona do të paraqesë ofertën te Juventsi, pas shitjes së Mikayil Faye te Rennes.

Lexo po ashtu Barcelona dhe Chiesa kanë marrëveshje për kushtet personale - tani priten bisedimet mes klubeve

Mbrojtësi 20-vjeçar do t’i bashkohet skuadrës së Ligue 1  në një marrëveshje me vlerë 12 milionë euro, dhe fondet e mbledhura do të shkojnë për transferimin e Chiesas.

Çelësi për Barcelonën do të jetë ulja e faturës së pagave të tyre mjaftueshëm për të regjistruar Chiesan.

Nuk do të jetë e lehtë, pasi ata ende nuk e kanë regjistruar Dani Olmon në La Liga – pavarësisht faktit se ai iu bashkua klubit dy javë më parë. /Telegrafi/