LAJMI I FUNDIT:

Zbulohen shpërblimet që marrin deputetët në Shqipëri për udhëtime, telefona e karburant, paga neto iu shkon mbi katër mijë euro

Zbulohen shpërblimet që marrin deputetët në Shqipëri për udhëtime, telefona e karburant, paga neto iu shkon mbi katër mijë euro

Dyfishimi që deputetët i bënë rrogave të tyre, duke e çuar pagën bruto në 310 mijë lekë [rreth 3,000 euro], e kombinuar edhe me dietat që marrin në Kuvendin e Shqipërisë, bën që në fund të muajit ligjvënësit e Shqipërisë të kenë në llogaritë e tyre bankare mbi 4 milionë lekë [4,000 euro], pas taksave.

Nga një vëzhgim që Top Channel i ka bërë pasqyrave financiare të muajit qershor, ku janë publikuar si rrogat, ashtu edhe dietat e deputetëve, rezulton se një pjesë e mirë e tyre marrin më shumë shpërblime për telefonat, karburantin, hotelin dhe vizitat brenda e jashtë vendit, se sa rrogë për punën e tyre në komisione dhe seancë plenare.

Konkretisht, deputetja e PS-së në qarkun e Fierit, Antoneta Dhima rezulton se në qershor ka marrë një rrogë neto 215 mijë lekë, ndërkohë që përfitimet e tjera (neto) kapin shifrën 254 mijë lekë, duke e çuar totalin në 465 mijë lekë.


Deputeti socialist i Korçës, Ilirjan Pendavinji ka marrë në qershor 225 mijë lekë rrogë pas taksave, ndërsa përfitime të tjera nga dietat 256 mijë lekë, në total 481 mijë lekë.

Nuk mbetet pas edhe Fadil Nasufi, deputeti socialist i Beratit që ka marrë 225 mijë lekë rrogë dhe 240 mijë lekë dieta.

Nuk mbeten mbrapa edhe deputetët demokratë. Lindita Metalia raportohet se ka marrë në qershor rrogën fikse pas taksave 225 mijë lekë, ndërsa dietat e përfituara kanë qenë 220 mijë lekë, në total 445 mijë lekë.

Sorina Koti, deputetja demokrate e Korçës, përveç rrogës 225 mijë lekë, ka marrë gjithashtu edhe 239 mijë lekë dieta, ndërsa Greta Bardeli përveç rrogës 225 mijë lekë, raportohet të ketë marrë në llogarinë e saj bankare edhe 256 mijë lekë dieta. /Telegrafi/

Në trend Lajme

Më shumë
Balje pas takimit me Kurtin: S'kemi dhënë konfirmim për votim të qeverisë - kemi kërkesat tona

Balje pas takimit me Kurtin: S'kemi dhënë konfirmim për votim të qeverisë - kemi kërkesat tona

Lajme
Qeveria në detyrë mban mbledhje elektronike, miratoi dy vendime

Qeveria në detyrë mban mbledhje elektronike, miratoi dy vendime

Lajme
Bashkimi Evropian “72 orë përgatitje për luftë”: Ekspertët tregojnë se çfarë duhet të bëjë Shqipëria

Bashkimi Evropian “72 orë përgatitje për luftë”: Ekspertët tregojnë se çfarë duhet të bëjë Shqipëria

Lajme
Komentuesit i shkruajnë se po përdorin TikTok-un me VPN, përgjigjet Rama: Turp i madh

Komentuesit i shkruajnë se po përdorin TikTok-un me VPN, përgjigjet Rama: Turp i madh

Lajme
Duda Balje i shkon në takim Kurtit, pritet të diskutojnë për formimin e qeverisë

Duda Balje i shkon në takim Kurtit, pritet të diskutojnë për formimin e qeverisë

Lajme
Kujdes, nga 3 prilli qytetarëve do ju dërgohen gjobat e trafikut në adresë të pronarit të veturës, përmes postës dhe platformës e-Kosova

Kujdes, nga 3 prilli qytetarëve do ju dërgohen gjobat e trafikut në adresë të pronarit të veturës, përmes postës dhe platformës e-Kosova

Lajme
Kalo në kategori