Zbulohen detajet e ofertës së Juventusit për Locatellin

Real Madridi, Paris Saint-Germain, Manchester City dhe Borussia Dortmund kanë kontaktuar Sassuolon për Manuel Locatelli, ndërsa Juventusi do të ofrojë 30 milionë euro plus shërbimet e mbrojtësit Radu Dragusin.

Locatelli, 23 vjeç, vlerësohet si një nga talentet më interesant të Italisë. Ai ka shënuar dy gola në Euro 2020 dhe pritet të largohet nga Sassuolo gjatë verës.

Sassuolo e vlerëson atë 40 milionë euro dhe sipas disa raporteve, drejtori i klubit Giovanni Carnevali do të takojë drejtorin sportiv të Juventusit, Federico Cherubini, sot (e mërkurë).

Sipas La Gazzetta dello Sport, Juventusi do të ofrojë 30 milionë euro plus shërbimet e Radu Dragusin, një mbrojtës qendror 19-vjeçar i cili bëri debutimin në Serie A dhe Ligën e Kampionëve sezonin e fundit nën urdhrat e Andrea Pirlos.

Lexo po ashtu Zbulohet oferta e parë me para plus lojtar e Juventusit drejtuar Sassuolos për Locatellin

Sidoqoftë, Sassuolo e vlerëson Dragusin midis 7 dhe 8 milionë eurove, pak më pak se 10 milionë euro të Juventusit.

Zonja e Vjetër mund të plotësojë boshllëkun duke shtuar disa para në ofertën e tyre, ose duke përfshirë një lojtar tjetër në marrëveshje.

Sassuolo thuhet se nuk po nxiton për të arritur një marrëveshje, pasi klube të mëdha si Real Madrid, PSG, Manchester City dhe Borussia Dortmund tashmë kanë shfaqur interes për 23-vjeçarin.

Locatelli gjithashtu ka informuar klubin e tij se ai nuk dëshiron të diskutojë çështjet e transferimit gjatë Euro 2020 dhe se ai do të konsiderojë të ardhmen e tij vetëm në fund të turneut.

Ndërkohë, Juventusi vazhdon të bëjë presion për të siguruar shërbimet e tij. /Telegrafi/