Zbulohen detaje tjera të kontratës së Hansi Flick me Barcelonën

Trajneri gjerman, Hansi Flick pritet të emërohet përfundimisht si trajner i ri i Barcelonës, duke pasuar Xavi Hernandezin, i cili do të largohet brenda disa ditësh.

Sipas gazetarit Roger Torello nga Mundo Deportivo, marrëveshja e Barcelonës me Hansi Flick do të zgjasë vetëm për një sezon.

Marrëveshja do të vijë gjithashtu me një opsion për një vit tjetër, por do të varet nga Barça që ta zgjasë ose ta lërë atë në fund të sezonit të ardhshëm.

Lexo po ashtu Barcelona arrin marrëveshje me trajnerin e ri, ai do ta pasojë Xavin nga sezoni i ardhshëm

Barcelona nuk është e gatshme të lidhet me gjermanin me një kontratë të gjatë. Flick gjithashtu pajtohet me kushtet.

Paga e tij gjithashtu do të jetë në përputhje me pagën prej 5 milionë euro në vit që Xavi merr aktualisht në Camp Nou.

Burimi thotë se Flick arriti një marrëveshje totale me Barçën tre javë më parë. Ajo që ka mbetur është që Blaugranët të shkarkojnë Xavin dhe të zyrtarizojnë Flick.

Lexo po ashtu Hansi Flick te Barcelona: Profili taktik, forca më e madhe dhe dy formacionet e mundshme

Xavi nuk është ende i informuar për planin e Barçës për ta shkarkuar dhe lexon lajmet në media. Por, burimet thonë se një takim me hierarkinë e klubit është planifikuar për të hënën kur do të zbulohet qëndrimi i klubit.

Ndërkohë, Xavi thuhet se është kontaktuar nga një klub në Korenë e Jugut, por ai me respekt e ka refuzuar ofertën. /Telegrafi/