Zbulohen bisedimet e Messit me Chelsean

Argjentinasi Lionel Messi thuhet se dikur konsideroi një lëvizje në Stamford Bridge te klubi londinez, Chelsea.

Emri i Messit gjatë gjithë karrierës ka qenë i lidhur me klubet e mëdha evropiane dhe sidomos ato që paguajnë shifra të majme.

Njëri nga këto klube padyshim se është Chelsea i miliarderit rus Roman Abramovich, i cili shpenzon shifra marramendëse nga viti 2004.

Lexo po ashtu Oferta marramendëse që Real Madridi i kishte bërë Lionel Messit

Gazetari italian Gianluca Di Mario ka zbuluar në librin e tij se Chelsea ishte afër nënshkrimit të Messi nga Barcelona në vitin 2014.

Bazuar në fragmente nga libri, Messi u tundua të largohej nga Barça pas akuzave për evazion fiskal dhe madje kishte një telefonatë konstruktive në FaceTime me menaxherin e atëhershëm të Bluve, Jose Mourinho.

Lexo po ashtu Ish-mesfushori i Sportingut kujton kohën kur iu kërkua ta ndjek Messin në çdo hap: Isha i shtangur dhe i turpëruar kur ma kërkoi trajneri

Chelsea ishte i gatshëm të aktivizonte klauzolën e lirimit të Argjentinasit prej 250 milionë eurosh dhe t’i paguante atij një pagë neto prej 50 milionë funtesh.

Por, Messi në fund të fundit u ftoh pas një telefonate nga babai i tij, i cili ishte kundër lëvizjes së tij te klubi londinez dhe argjentinasi mbeti në Camp Nou. /Telegrafi/