Zaev: Të harrohen interesat partiake në emër të qëllimeve reformatore

Planin ‘3-6-9’ para deputetëve dhe anëtarëve të korit diplomatik e elaboroi kryeministri Zoran Zaev, ndërsa fjalime të tyre kishin edhe kryetari i Kuvendit Talat Xhaferi dhe zv.kryeministrin për eurointgrime Bujar Osmani, përcjell Telegrafi Maqedoni.

Lexo po ashtu Osmani: Nëse edhe këtë herë nuk e shfrytëzojmë mundësinë për eurointegrim, qytetarët nuk do të na falin

Zaev theksoi se Plani ‘3-6-9’ në vetvete përmban perspektiva të hapura dhe reale për RM-në dhe për qytetarët e saj drejt BE-së dhe NATO-s dhe në të njëjtën kohë ngritje serioze të cilësisë së përgjithshme të cilësisë së jetesës së të gjithë qytetarëve. Marrëveshja është përgatitur në mënyrë të hapur inkluzive dhe me të gjithë palët e involvuara.

Ai ka shtuar se në takimet në Trieste ka qenë i bindur se proceset do të përshpejtohen në qoftë se të gjithë si elita politike të qytetarëve të RM-së do të hyjnë në pajtueshmëri më të madhe të mundur për arritje të qëllimit tonë të konfirmuar me Planin ‘3-6-9’, njofton AIM.

Zaev poashtu ka kërkuar që të harrohen interesat partiake në emër të qëllimeve të planit, i cili, siç tha do të jetë në dobi për të gjithë qytetarët e vendit.

Në seancë Komisioni për çështje evropiane me përkrahjen e të gjitha partive parlamentare e miratoi edhe Deklaratën për përshpejtimin e reformave dhe proceseve integruese për anëtarësimin e Maqedonisë në BE dhe NATO. /Telegrafi/