Zaev: Kemi mundësi si asnjëherë më parë të dalim me krenari dhe të vendosim për vendin tonë në BE (Video)

Kryeministri Zoran Zaev mbrëmë në kremtimin qendror me rastin e Ditës së Pavarësisë së Maqedonisë tha se “ky është moment historik i cili është më i madh se secili nga ne, nga partitë tona apo zënkat apo interesat personale. T’i lëmë bindjet dhe interesat e ndryshme për një moment prapa nesh për të parë dritën e Evropës e cila na thërret”.

Ai bëri thirrje që çdo qytetar të votojë në referendum për të sjellë vendim për, siç tha ai, pavarësinë e dytë të Maqedonisë, përcjell Telegrafi Maqedoni.

“Tani kemi mundësinë si asnjëherë më parë të dalim me krenari dhe të vendosim për vendin tonë në vëllazërinë e popujve evropian në BE dhe të qëndrojmë krah për krah të barbaritë me vendet më të fuqishme botërore, anëtaret e NATO-s”, tha Zaevi duke ju bërë thirrje të rinjve të përshihen në, siç tha ai, vendimin historik i cili do ta projektojë rrugën jetësore të secilit prej tyre.

Në fjalimin e tij kryeministri ceku edhe përfitimet nga marrëveshja me Greqinë, për të cilën potencoi se e konfirmojmë gjuhën maqedonase, se qytetarët e këtij vendi janë maqedonas dhe maqedonase dhe se kombësia maqedonase njihet.

Zaev falënderoi të gjithë qytetarët shqiptarë, turq, vlleh, serbë, romë, boshnjakë dhe të gjitha komuniteteve të tjera etnike që në këto momente shfaqin mirëkuptim dhe përkrahnin bashkëqytetarët maqedonas./Telegrafi/