Zaev-Defa: Mbështetje për Qeverinë në zbatimin e politikave ekonomike

Kryeministri Zoran Zaev sot realizoi takim me Valter Defa, i cili prej sot është këshilltarë special i Qeverisë së Republikës së Maqedonisë së Veriut, i nominuar nga Qeveria e Gjermanisë, ndërsa në shoqëir me të prezent ka qenë edhe ambasadori i Gjermanisë, Thomas Gerberich.

Nga qeveria thonë se Defa i cili si një profesionist me përvojë, pritet të mbështesë Qeverinë e Maqedonisë në zbatimin e politikave ekonomike, përcolli urimet e kancelares Angela Merkel, me iniciativën e së cilës po angazhohet në vendin tonë dhe shprehu kënaqësinë e tij se në periudhën e ardhshme, së bashku me kryeministrin Zaev, si dhe me ekipin e ministrave të ekonomisë në Qeveri, do të mund të bashkëpunojë në zhvillimin dhe zbatimin e politikave ekonomike të Qeverisë.

Në këtë takim të parë me kryeministrin Zaev, dy bashkëbiseduesit diskutuan prioritetet për rritjen ekonomike të vendit, veçanërisht tani që vendi zgjidh të gjitha çështjet e hapura me fqinjët e saj, kur zbatohet protokolli për anëtarësimin e Republikës së Maqedonisë së Veriut në NATO, me çka hapen perspektiva pozitive për zhvillim ekonomik në vend, në rajon, si dhe në drejtim të forcimit të lidhjeve ekonomike me BE-në dhe me shtetet anëtare./Telegrafi/