YouTuberi qëllohet me plumb në gjoks, kamera filmoi skenën rrëqethëse – personin me të cilin tentoi të tallet nuk ishte në disponim

YouTuberi Tanner Cook, 21-vjeç, është qëlluar në një qendër tregtare në Virginia, SHBA, kur tentoi të tallet me një shpërndarës ushqimi.

Kamera ka regjistruar momentin rrëqethës kur shpërndarësi i ushqimi Alan Colie, nxjerr revolen dhe e qëllon në gjoks youtuberin, transmeton Telegrafi.

Shihet sesi Cook me kamerën e ndezur i afrohet Colie para një restoranti të ushqimit të shpejtë dhe tërë kohën i afron telefonin në fytyrë.

Colie tërhiqet dhe i thotë tre herë që të ndalet para se të tentojë t’ia largojë telefonin nga fytyra, megjithatë youtuberi vazhdon me keqtrajtim.

Në fund shpërndarësi i ushqimit nxjerr revolen dhe e qëllon youtuberin në gjoks. E blerësit menjëherë fillojnë të vrapojnë nga frika se mund ta pësojnë edhe ata.

Colie është akuzuar për plagosje, megjithatë është shpallur i pafajshëm pasi që gjykata thotë se reagoi në vetëmbrojtje.

Cook i kaloi disa ditë në repartin intensiv pasi plumbi i kishte përshkuar barkun dhe mëlçinë. /Telegrafi/

DULLES MALL YOUTUBE PRANKSTER SHOOTING#Fox5DC obtains never-before-seen video of interaction between Alan Colie & Tanner Cook on 4/2.

Colie: NOT GUILTY of most serious charges after attorney's self-defense arguments.

Cook's dad tells me his son was not a threat.#StayAhead pic.twitter.com/h8LwERdutq

— David Kaplan (@DKaplanFox5DC) September 29, 2023