Ylli i Real Madridit përjashton mundësinë që të largohet në janar

Real Madridi mund të jetë i ngarkuar gjatë afatit kalimtar veror, veçamërisht duke marrë parasysh faktin se po vuajnë në qendër të mbrojtjes për shkak të lëndimeve të Eder Militao, David Alaba dhe Dani Carvajal.

Ekipi i Carlo Ancelottit po luan në limitet e saj, ani pse kjo nuk ka ndalur spekulimet për disa largime të mundshme gjithashtu. 

Një lojtar i cili është thënë se do të largohet është Endrick Felipe, i cili ka pasur vështirësi që të gjejë minuta që prej se u transferua nga Palmeiras gjatë verës. 

Ai ka vetëm një paraqitje si titullar (vs Lille në tetor) dhe kjo ka bërë që të ketë sugjerime se braziliani mund të synojë largimin në formë huazimi për të siguruar më shumë minuta. 

Sidoqoftë, Marca ka raportuar se kjo nuk do të ndodhë pasi që Endrick nuk e ka në plan që të largohet nga kryeqyteti spanjoll. 

Objektivi i tij i vetëm është që të vazhdojë të punojë në mënyrë që t’i shfrytëzojë në avantazhin e tij mundësitë që i dhurohen. 

Lexo po ashtu Davies po vazhdon me Bayernin, Reali ka një plan b për krahun e majtë të mbrojtjes

Nuk ka qenë fare e lehtë për Endrick gjatë këtyre muajve, por ai ka shumë kohë për ta dëshmuar potencialin e tij tek Real Madridi. 

Drejtuesit e klubit në anën tjetër janë të qetë pasi janë në dijeni se Endrick do të bëhet i rëndësishëm për ta në të ardhmen e afërt./Telegrafi/