Xhemaili: Pas 9 shkurtit Kosova do jetë mike e perëndimit e jo marionetë e lindjes

Zëdhënësi i Aleancës për Ardhmërinë e Kosovës (AAK) dhe kandidat për deputet, Kushtrim Xhemaili, ka shprehur optimizëm në lidhje me të ardhmen e Kosovës, duke theksuar se vendit i mbeten vetëm 10 ditë për të kaluar nga një periudhë e errët në një të shndritshme.

Në një mesazh të postuar në llogarinë e tij në Facebook, Xhemaili theksoi se Kosova është gati të përfundojë një kapitull të vështirë dhe të fillojë një të ri, të mbushur me shpresa dhe mundësi.

“Kanë mbetur edhe 10 ditë kur Kosovës do t’i vijë drita e jo terri me fatura të fryra. Kur Kosova do të flasë për siguri dhe mirëqenie, e jo për luftë dhe mbijetese. Kur Kosova do të jetë mikja e Perëndimit, e jo marionetë e Lindjes. Vetëm 10 ditë të mbetura deri në Kosovën Fituese,” shkroi Xhemaili.

Xhemaili thekson se Kosova është gati të largohet nga sfidat e kaluara dhe të përqafojë një rol më aktiv dhe të pavarur në skenën ndërkombëtare, duke u larguar nga ndikimet e huaja dhe duke u afruar më shumë me partnerët perëndimorë.