Xavi: U magjepsa nga Seri, ai ka ADN-në e Barçës – duhet transferuar menjëherë

Mesfushori i skuadrës franceze Nice, Jean Seri ka “ADN-në” e Barcelonës dhe do të ishte një shtesë e mprehtë në Camp Nou, thotë legjenda e klubit Xavi.

Mesfushori nga Bregu i Fildishtë i vlerësuar me çmime të larta, është lidhur shumë me një lëvizje të madhe të parave këtë verë, me Barçën që raportohet se është bashkuar me Arsenalin dhe Paris Saint-Germain në ndjekje të nënshkrimit të tij.

Lexo po ashtu Seri fut në ‘luftë’ Arsenalin me Barcelonën

Shfaqjet e Serit në sezonin 2016-17 kanë ndihmuar për të rritur profilin e tij dhe nxitur interesin nga larg, me cilësinë dhe qëndrueshmërinë e tij duke shkëlqyer, pasi Nice siguroi një vend të tretë surprizë në Ligue 1.

Lexo po ashtu Barcelona duhet të mendojë për alternativën e Verrattit – Këta janë pesë mesfushorët në listë (Foto)

Mund të jetë se ai është në rrugën e tij drejt një klubi të madh evropian para se të mbyllet afati kalimtar veror i transferimeve, me Xavin që mendon se 26-vjeçari do të shkëlqejë në La Liga.

“Kur më thanë se një lojtar të Nice e quajnë ‘Xavi Afrikan’ e ndoqa shumë nga afër”, ka thënë fillimisht Xavi për Eurosport.

“Shikova ndeshjet dhe një ton video. Nuk e njihja … dhe unë isha magjepsur: nuk jam mësuar të shoh një talent të tillë në mesfushë. Pasimet shkurtra, pasimet e gjata, inteligjenca taktike, shuti nga distanca, personaliteti, organizimi i lojës, pasimi i fundi magjik … madre mia! [nëna ime]”

“Ai do të bënte shumë mirë në Barcelonë! Ai mund të luajë kudo në mesfushë. Seri është fantastik. Mund të them, pa hezitim, që ai ka atë që ne e quajmë “ADN-ja e Barçës”, përfundoi legjenda e Barcelonës. /Telegrafi/