Wilder duket më në formë se asnjëherë më parë në pamjet e shfaqura nga trajneri i tij

Deontay Wilder duket po aq i mprehtë dhe kërcënues si kurrë më parë në stërvitje përpara rikthimit të tij të shumëpritur në ring kundër Robert Helenius më vonë këtë vit.

“Bronze Bomber” ka qenë jashtë ringut që nga humbja e tij nga Tyson Fury tetorin e kaluar, e cila e pa atë të rrëzohet dy herë nga “Gypsy King” në një takim vërtet epik.

Ashtu siç dukej në prag të rimarrjes së titullit të peshave të rënda të WBC-së, Fury e goditi atë në pikën e pakthimit në raundin e 11-të.

Lexo po ashtu Si dhe kur mund të ndodhë lufta mes Joshuas dhe Wilderit

Rezultoi një nga meçet më të mëdha të peshave të rënda në historinë moderne, megjithatë, pasi pësoi humbje të herëpashershme, Wilder u la të rivlerësonte të ardhmen e tij në këtë sport.

Në fund, amerikani zgjodhi të luftonte dhe të hartonte një rrugë për t’u kthyer në krye të divizionit, e cila fillon kur ai kthehet kundër Helenius më 15 tetor.

Përpara rikthimit të tij, Wilder ka punuar në palestër së bashku me trajnerin Malik Scott, i cili ka ndarë pamjet e luftëtarit të tij duke lëshuar goditje të fuqishme.

Lexo po ashtu Deontay Wilder konfirmon rikthimin në ring, do të përballet me Robert Helenius

Është e qartë se ai nuk ka humbur asnjë grimë nga fuqia e tij e frikshme, e cila solli 41 nokaut në 43 ndeshje para dy humbjeve të tij kundër Furyt.

Wilder do të shpresojë të fitojë nokautin e tij të 42-të kur të takohet me Helenius, i cili niset në meç pas fitoreve të njëpasnjëshme ndaj Adam Kownacki të Polonisë. /Telegrafi/

Oct 15th ⏳@BronzeBomber is getting those heavy shots warmed up again 🔥

[ 🎥 @MalikKingScott ]

🔞 @Betfred Fight Odds: https://t.co/alJfxE6ohj pic.twitter.com/jcv4Hb6atZ

— Boxing Social (@boxing_social) August 23, 2022