Watzke: Man Utd bëri ofertë më të mirë për Haaland, por Raiola e dinte se ai ishte ‘më mirë’ në Dortmund

Drejtori ekzekutiv i Borussia Dortmundit, Hans-Joachim Watzke, ka folur për nënshkrimin e Erling Haaland nga Red Bull Salzburg, dhe se si ata arritën të mposhtin Manchester Unitedin në garën për nënshkrimin e tij.

Haaland iu bashkua skuadrës gjermane nga skuadra austriake RB Salzburg për 17 milionë funte në janar të vitit 2020 duke fituar garën ndaj Djajve të Kuq.

Megjithatë, drejtuesi i Dortmundit, Watzke ka pranuar se oferta e skuadrës së tij për yllin norvegjez nuk ishte “më e mira”.

Lexo po ashtu Raiola ka filluar bisedimet me klubet e mëdha për Haaland, synon ta bëjë norvegjezin më të paguarin në botë

Ai ka zbuluar se anglezët e Unitedit bën ofertë më të mirë për sensacionin norvegjez, por agjenti i tij zgjodhi Dortmundin.

“Oferta nga Manchester United ishte më e mirë. Megjithatë Mino Raiola e kuptoi se Erling është më mirë me ne”, ka thënë fillimisht Watzke për Sport1.

“Njerëzit vërejnë se njerëzit e talentuar bëjnë një përparim me ne më shpejt”.

#BVB CEO Watzke on Borussia’s strategy of landing top talents: „Our offer for Haaland was not the best," he says to OMR. "The offer from Manchester United was better. However Mino Raiola realized that Erling is better off with us.(…)We have no inhibitions to let them play." ⚫️🟡

— Patrick Berger (@berger_pj) October 28, 2021

“Ky është një argument i fortë për lojtarët, prindërit e lojtarëve dhe këshilltarët”.

“Ne nuk kemi asnjë pengesë për t’i lënë 17-vjeçarët të luajnë”, përfundoi drejtori i Dortmundit. /Telegrafi/