Vullnetarja nga Qendra e Karantinës: I ndjeri, Agon Musliu ka deklaruar se nuk ka ndonjë sëmundje

Në Komisionin Hetimor Parlamentar në lidhje me menaxhimin e pandemisë së virusit “COVID-I9”, nga ana e Qeverisë së Republikës së Kosovës, ekipi vullnetare në Qendrën e Karantinës në Prishtinë, kanë dhënë dëshminë e tyre lidhur me vdekjen e Agon Musliu në karantinë. Ky ekip ishte i pranishëm më 2 maj në ditën kur u pranua i ndjeri në qendrën karantinë.

Laureta Tafa e cila ka qenë pjesë e ekipit vullnetar që kanë pranuar Musliun në karantinë, ka thënë se i ndjeri ka deklaruar se nuk ka ndonjë sëmundje apo nuk ka folur lidhur me shqetësimet e tij.

Lexo po ashtu Mjekja dhe infermierja që pritën Agon Musliun në aeroport: I ndjeri tha se donte të kujdesej për nënën

Ajo tha se vetëm te ekipi mjekësor i IKSHP-së ka deklaruar se para se të shkonte në Gjermani ka pasur telashe me mëlçinë, por që ka thënë se tashmë nuk ka asnjë shqetësim.

Lexo po ashtu Haziri flet për rastin e Agon Musliut: Asnjëherë nuk më është komunikuar se i ndjeri ka probleme shëndetësore

Mimoza Kusari Lila, kryetare e këtij Komisioni u interesua të di se a ka përmendi Agon Musliu se ka ndonjë dëshmi apo dokument që tregon për gjendjen shëndetësore të Agon Musliut, qoftë edhe për telashet me veshkat.

Lexo po ashtu ​Përgjegjësi i karantinës në Qendrën e Studentëve: Nuk kam marrë asnjë dëshmi për gjendjen e Agon Musliut

Tafa, siç njofton KP tha se ai nuk ka përmendur ndonjë dokument, pasi që të gjithë janë pyetur nëse kanë ndonjë dëshmi apo dokument që vërteton gjendjen e tyre shëndetësore.

Edhe Gent Jakupi i cili ishte vullnetar në ditën kritike te Agon Musliut tha se kontakti që kishte me të ndjerin ishte kërkimi i numrit të letërnjoftimit, të cilin Musliu e kishte ditur përmendësh.