LAJMI I FUNDIT:

Vritet vrasësi serik famëkeq i Brazilit – ishte dënuar për mbi 100 vrasje për të cilat kaloi 42 vjet në burg

Vritet vrasësi serik famëkeq i Brazilit – ishte dënuar për mbi 100 vrasje për të cilat kaloi 42 vjet në burg

Një vrasës serik famëkeq, i cili pretendoi se vrau mbi 100 njerëz është qëlluar për vdekje.

Sipas mediave të huaja, përcjell Telegrafi, “Pedrinho Matador” u qëllua për vdekje ndërsa ishte jashtë rezidencës së një anëtari të familjes në Brazil.

Siç thuhet më tej, 68-vjeçari u sulmua në trotuarin në Mogi das Cruzes, që ndodhet në shtetin Sao Paulo, të dielën në mëngjes.


Policia Ushtarake njoftoi se sulmuesit janë larguar me një makinë të zezë, e cila më pas është zbuluar me municion aty pranë.

Policia beson se i dyshuari ka lënë veturën dhe është arratisur me një veturë tjetër.

Një e afërme i tha policisë se “Pedrinho Matador” ishte ulur në një karrige kur makina e zezë ndaloi dhe dy burra të armatosur dhe të maskuar dolën nga ajo.

Ajo tha se njëri i tha: “Nuk ka të bëjë me ty. Merre vajzën tënde dhe futu brenda”.

Më pas ata qëlluan “Pedrinho Matadorin” përpara se njëri t’i priste fytin me thikë kuzhine.

Pas kësaj, të dy u kthyen në makinë dhe u larguan me shpejtësi ndërsa një kalimtar i habitur thirri policinë.

Rasti është cilësuar si vrasje e rëndë nga Policia Civile, por nuk ka të arrestuar.

Pedrinho Matador, emri i plotë i të cilit është Pedro Rodrigues Filho, u burgos për 42 vjet pas arrestimit të tij fillestar në vitin 1973.

Në një intervistë të vitit 2003, ai rrëfeu se kishte vrarë më shumë se 100 njerëz, përfshirë edhe gjatë kohës së tij në burg.

Shumë prej viktimave të tij besohet se kanë qenë tregtarë droge, përdhunues dhe vrasës.

Ndër tatuazhet e tij ishte edhe një: “Unë vras për kënaqësi”.

Në vitin 2018, pas lirimit nga burgu, Pedro Rodrigues Filho krijoi një kanal në YouTube, i cili kishte 27,500 abonentë në kohën e shkrimit.

Ai ishte gjithashtu aktiv në TikTok, ku mburrej me 314,800 ndjekës dhe përdori praninë e tij në internet për të folur kundër akteve të krimit. /Telegrafi/

Në trend Botë

Më shumë
Franca i bashkohet SHBA-së, kërkon mineralet e rralla të Ukrainës

Franca i bashkohet SHBA-së, kërkon mineralet e rralla të Ukrainës

Evropa
Lista Serbe do t'i dërgojë 500 njerëz në Beograd për ta mbrojtur Vuçiqin

Lista Serbe do t'i dërgojë 500 njerëz në Beograd për ta mbrojtur Vuçiqin

Serbia
U grindën derisa prisnin para arkës, burri e godet me karrocë të mallrave një grua në Brazil – kamerat e sigurisë kapin momentin rrëqethës

U grindën derisa prisnin para arkës, burri e godet me karrocë të mallrave një grua në Brazil – kamerat e sigurisë kapin momentin rrëqethës

Musk thotë se po merr kërcënime me vdekje pas shkurtimit të vendeve të punës në administratën federale

Musk thotë se po merr kërcënime me vdekje pas shkurtimit të vendeve të punës në administratën federale

Amerika
Trump kabinetit të tij: A është dikush i pakënaqur me Elonin? Nëse po, do ta nxjerrim jashtë

Trump kabinetit të tij: A është dikush i pakënaqur me Elonin? Nëse po, do ta nxjerrim jashtë

Amerika
Adoleshenti rrëmben vogëlushen derisa po lutej në xhami në Malajzi, e keqtrajton seksualisht – kamerat e sigurisë regjistrojnë gjithçka

Adoleshenti rrëmben vogëlushen derisa po lutej në xhami në Malajzi, e keqtrajton seksualisht – kamerat e sigurisë regjistrojnë gjithçka

Azia
Kalo në kategori