Vrima e zezë – Fotografia e parë e përbindëshit të “Rrugës së Qumështit”

Kjo është vrima e zezë gjigante që jeton në qendër të galaktikës sonë, e cila është fotografuar për herë të parë.

I njohur si Shigjetari A*, objekti është katër milionë herë më i madh se masa e Diellit.

Ajo që shihni është një pjesë e errët qendrore ku ndodhet vrima, e rrethuar nga drita që vjen nga gazi super i nxehtë prej forcave të pafundme gravitacionale.

Për shkallë, unaza është afërsisht sa madhësia e orbitës së Merkurit rreth yllit tonë.

Kjo është rreth 60 milionë km, ose 40 milion milje, gjerësi, raporton bbc.

Për fat të mirë, ky përbindësh është shumë larg – rreth 26 mijë vite drite – kështu që nuk ka asnjë mundësi që ne të kemi ndonjë rrezik.

Imazhi është prodhuar nga një ekip ndërkombëtar i quajtur bashkëpunimi i teleskopit të horizontit të ngjarjeve (EHT).

Është imazhi i tyre i dytë i tillë pasi publikuan në vitin 2019 një foto të vrimës së zezë gjigante në zemër të një galaktike tjetër të quajtur Messier 87, ose M87. Ai objekt ishte më shumë se një mijë herë më i madh se masa e Diellit tonë. /Telegrafi/