Volkswagen po ndërton makina autonome që do të shfrytëzohen në FIFA World Cup

Kampionati i FIFA-s, do të jetë ndër aktivitetet e para, ku do të shfrytëzohen makinat autonome

Në shumicën e medieve, flitet se si makinat autonome janë shumë afër të futjes në përdorim, derisa nuk mungojnë raportet se si këto makina, kanë shkaktuar shumë aksidente, shumica derisa ishin gjatë fazës së testimit, transmeton Telegrafi.

Megjithatë, kjo nuk i ka ndaluar prodhuesit, që ta zhvillojnë edhe më tutje këtë teknologji, ndërsa punimet që kanë bërë deri më tani, kanë arritur në faza të ndryshme.

Për Volkswagen, nuk mjafton që makinat të mund të kryejnë vet, vetëm disa prej funksioneve, por të lëvizin në mënyrë autonome në nivelin e katërt dhe të pestë.

Së bashku me Qatar Investment Autority, Volkswagen Autonomy do të nisë përdorimin e makinave vet vozitëse në FIFA World Cup që zhvillohet më 2022 në Doha të Katarit.

Marrëveshja është nënshkruar mes Mansour Al-Mahmoud nga firma investuese në Katar, si dhe drejtori i përgjithshëm i Volkswagen Group, Herbert Diess dhe përfshinë 35 I.D. Buzz elektrik tërësisht autonom dhe dhjetë autobusë Scania të teknologjisë së lartë.

Deri më tani, është vetëm e-Golf që lëvizë me bateri dhe ka mundësi të vozitet vet, por Volkswagen po ndërton edhe makina tjera, që të jetë i pranishëm si duhet në këtë treg.

Testimi i këtyre makinave nga Volkswagem pritet të përfundojë më 2021, që gjatë zhvillimit të kampionatit të futbollit të jetë tërësisht gati. /Telegrafi/