Victoria Beckham shkëlqen me një pamje elegante, teksa mbështet bashkëshortin David në eventin e lançimit të BOSS

Victoria Beckham ka shkëlqyer në një fustan të zi dantelle, duke mbështetur bashkëshortin e saj, David, gjatë prezantimit të tij të ‘BOSS One’ në Lightroom në Londër.

Dizajnerja e modës, 50 vjeçe, i dha prioritet stilit, duke zgjedhur këpucë nga koleksioni i saj, ndërsa qëndronte pranë Davidit, 49 vjeç, në këtë natë të veçantë.

Në ngjarjen e mbushur me yje, Victoria e tërhoqi vëmendjen, e shoqëruar nga djemtë e saj Romeo, 22 vjeç, Cruz, 19 vjeç, dhe vajza Harper, 13 vjeçe, të cilët pozuan për një foto familjare, shkruan DailyMail.

Edhe e dashura e Cruz, Jackie Apostel, tërhoqi vëmendjen me veshjen e saj të guximshme, duke veshur të brendshme dantelle të kuqe dhe një kostum të bardhë nga koleksioni i Victorias.

David, pasi ishte shfaqur në fushatën e fundit të BOSS, duke mbuluar fizikun e tij të fortë, mori mbështetje nga miqtë e tij më të ngushtë, përfshirë Gordon Ramsay dhe bashkëshorten e tij Tana.

Në një moment tjetër të rëndësishëm, thuhet se Victoria ka pranuar të filmojë një shfaqje në Netflix, pas shumë muajsh të hezituar.

Sipas burimeve, pas suksesit të dokumentarit të Davidit, ajo ka pranuar të ndihmojë në realizimin e projektit që do të hedhë dritë mbi sfidat e saj në menaxhimin e biznesit të modës.

Dokumentari, i titulluar për momentin Victoria Beckham, pritet të përfundojë xhirimet në qershor të vitit 2025 dhe do të përfshijë pamje të jetës së përditshme të Victorias dhe sukseset e saj në modë, por pa intervista me fëmijët. /Telegrafi/