Victoria Beckham reflekton për zjarrin në Los Angeles: Jam me të gjithë ju

Victoria Beckham ka postuar një storie në Instagram në të cilën ka reflektuar për zjarrin shkatërrues që po vazhdon në Los Angeles.

“Po më thyhet zemra kur shoh shkatërrimin dhe humbjen e shkaktuar nga këto zjarre”, filloi ajo.

“Los Angeles ka një vend të veçantë në zemrat e familjes sonë dhe mendimet dhe lutjet tona janë me të gjithë ata që janë prekur nga zjarri, veçanërisht ata që kanë humbur shtëpitë apo të dashurit e tyre”, shtoi ajo.

“Ne jemi jashtëzakonisht mirënjohës për zjarrfikësit e guximshëm dhe reaguesit e parë që rrezikojnë jetën e tyre për të mbrojtur të tjerët. Ju lutemi qëndroni të sigurt dhe kujdesuni për njëri-tjetrin gjatë kësaj kohe të vështirë”, përfundoi Victoria.

Në një tjetër postim, ajo ndau një artikull nga Los Angeles Times, i cili liston organizatat që po mbledhin para dhe po kërkojnë vullnetarë për të ndihmuar të prekurit nga zjarri.

Më herët edhe Blake Lively bëri një reagim për zjarret në Los Angeles.

Lexo po ashtu Nominimet për Oscar shtyhen për shkak të zjarrit në Los Angeles

Postimi i saj përfshinte një lidhje me një dokument ‘Google Docs’ të krijuar nga Mutual Aid LA Network (MALAN) që përditësohet drejtpërdrejt me shumë burime për ata që kanë nevojë. /Telegrafi/