Mbrëmë (e enjte) në Prishtinë është mbajtur një mbrëmje mes artistësh dedikuar veprimtarisë kulturore në vend, ku i ftuar ka qenë edhe Kryeministri i Kosovës, Albin Kurti.
Pjesë e këtij eventi ka qenë edhe këngëtarja e njohur shqiptare, Vesa Luma dhe reperi BimBimma.
Dyshja në fjalë kanë publikuar në rrjetet sociale fotografi nga momenti i takimit me kryeministrin, ndërsa kanë treguar se ndjehen falënderues për mbështetjen e dhënë nga ai për fushën e artit.
“E nderuar që pata rastin të takoj sonte Kryeministrin e Kosovës, Z. Albin Kurti, në një mbrëmje dedikuar kulturës, për të diskutuar për rëndësinë që ajo ka në shoqërinë tonë dhe drejtimin që e meriton”, shkroi Vesa Luma në një fotografi të publikuar në Instagram, ku shihej e buzëqeshur krah kryeministrit.
Ndërkohë edhe reperi dhe tekstshkruesi i shumë hiteve, BimBimma, gjithashtu ndau me ndjekësit e tij disa fotografi nga organizimi.
Foto: BimBimma/InstaStory
Ai publikoi fillimisht një fotografi rastësore të shkrepur nga personat, duke shkruar në mbishkrimin e saj "Origjinalët, pa filtra”.
Foto: BimBimma/InstaStory
Ndërkohë më pas, reperi hodhi në InstaStory edhe dy fotografi të tjera ku mund të shihet krah Albinit dhe një tjetër të përbashkët, ku pranë ndodhet edhe Vesa. /Telegrafi/
