Vërtetë vodhi tuba Qetsori?
Të gjithë e njohim atë nëpërmjet shout televiziv. Ai pa dyshim për shumëkënd është një nga personazhet më interesantë të këtij shou gjer më sot, duke u bërë i njohur për një kohë shumë të shpejtë ose person publik siç quhet ndryshe. Por të qenit person publik ka të mirat dhe të këqijat e veta njëherësh, ndërkohë që ai me këmbëngulje theksoi se e gjitha kishte qenë një lojë dhe se duhej t’i kthehej jetës së mëparshme. Nuk ndodhi kështu sepse menjëherë atij i erdhi një ofertë nga Partia Demokristiane për kandidat në zonën e tij, gjë kjo që u bë shkak që të ndryshojnë qëndrimet ndaj personit më të përfolur gjer më atë ditë si rezultat i të bërit palë me një parti me profil jo aq popullor në jug.
Pak kohë më vonë ai u përfshi në protestën modeste, por me shumë jehonë të dukatasve për pronat e tyre. Përfshirja e një figure si Qetsori përbënte mbështetje për protestuesit si dhe solli jehonë televizive. Protesta zgjati disa ditë, pati bllokime rrugësh madje përleshje me forcat e rendit që u munduan ti shpërndanin protestuesit dhe të zhbllokonin rrugën. Ndër protestuesit më të zellshëm gjendej edhe Qetsori ku thuhet se ai vete ka goditur policë, madje-madje një shef policie. Atëherë nuk e arrestuan, sepse imazhi i freskët publik mund të sillte shndërrimin e tij në hero dhe përshkallëzim të protestës gjë kjo aspak në interes të forcave të rendit.
Kthehemi te ngjarja më e fundit, te ajo e vjedhjes së tubave, në fakt ai nuk ka vjedhur tuba, megjithëse sot tërë Shqipëria dhe jo vetëm, e di Qetsorin si hajdut.
Ai administron një pikë grumbullimi hekurishtesh, një pikë blerje më saktë, pra hekurat që i sjellin të tjerët ky i fundit i grumbullon kundrejt pagesës për ti shitur diku tjetër, -plus që duhet sqaruar se, tubat për të cilët bëhet fjalë janë tuba disavjeçarë në fushat e Orikumit të mbetur dhe të ndryshkur, kuptohet se ai merret me blerjen e hekurave në rastin konkret të tubave, dhe nuk merr në pyetje njerëzit qe i sjellin se ku i kanë marrë ato.
Po çfarë lidhje ka e gjithë kjo histori? Policia zuri inat të fortë me Qetsorin që prej protestës së Dukatit, pasoja e të cilit ishte edhe kjo përbaltje. Ata u hakmorën ndaj Qetsorit për grushtet e para shumë kohëve, shkurt vonuan po nuk harruan. E mbajtën në burg për aq sa u duhej që lajmi të bëhej publik dhe pastaj e nxorën.
Këtu na shfaqet edhe një problem tjetër krahas shoqërimit në polici në mënyrë arbitrare dhe hakmarrëse, është ai i informimit në mënyrë të gabuar thjesht dhe vetëm për interesa tirazhi apo klikimi, pra një lojë me tre personazhe nga ku dalin dy të fituar dhe një i humbur,- policia, media dhe Qetsori.
Ai sot është në liri të plotë fizike, por aspak në liri morale pasi të gjithë mendojnë se ai është një hajdut tubash. A duhet të përgjigjet dikush për këtë?
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Quentin Tarantino mendon se këta janë pesë aktorët më të mirë të të gjitha kohërave
Artistja 77 vjeçare Cher tregon pse lidhet me djem të rinj: Sepse ata të moshës time, thuajse të gjithë kanë vdekur
Roma 0-2 Bayer Leverkusen, nota e Granit Xhakës dhe të tjerëve
Çfarë thuhet në alarmin e NATO-s për aktivitetet 'armiqësore' ruse në Evropë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe