Me vendimet që morën në fund të janarit, Seychelles u bë shteti i parë ishull që lejoi turistët të hynin në vendin e tyre vetëm nëse dëshmojnë se janë vaksinuar kundër coronavirusit.
Përveç vendimit për të lejuar turistët që kanë marrë vaksinën e COVID-19, autoritetet e këtij vendi po konsiderojnë gjithashtu lejimin e hyrjes së të gjithë turistëve të interesuar që kanë teste negative për coronavirus, qoftë të vaksinuar apo të pavaksinuar, në mes të marsit, raporton cnn.
Vendimi i autoriteteve të këtij vendi bazohet në supozimin se Seychelles do të vaksinojnë pothuajse 75 për qind të popullsisë deri në mes të muajit mars, gjë që, sipas treguesve të tyre, do të jetë e mjaftueshme për të arritur të ashtuquajturin "imuniteti i tufës".
Deri më tani, përveç prokurimit nga burimet e veta, Emiratet e Bashkuara Arabe dhe India i kanë dhuruar 50 mijë vaksina Sinofarm shtetit të Seychellesit.
Ndryshe, shteti-ishull filloi një program vaksinimi këtë muaj dhe ndër të parët që morën vaksinat janë punonjësit shëndetësorë, gazetarët dhe udhëheqësit politikë, përfshirë presidentin. /Telegrafi/
