Vendi dhe orari i meçit të shumëpritur të Florian Markut ndaj Chris Kongos

Florian Marku do të ndeshet me Chris Kongon në një meç boksi në kuadër të peshave të lehta në O2 Arena të Londrës.

Marku i pamposhtur me 13 fitore dhe një barazim e nisi karrierën profesionale në vitin 2018, Fitorja e tij e fundit erdhi në shtator të vitit 2023 kur me nokaut teknik mposhti Dylan Moran.

Në anën tjetër Kongo, ka një rekord prej 14 fitoresh dhe dy humbjeve, që prej se e nisi karrierën profesionale në vitin 2016.

Në përballjen e tij të fundit e cila u zhvillua në janar të vitit të kaluar, Kongo pësoi humbje ndaj Ekoë Essuman me vendim të shumicës së jurisë.

Lexo po ashtu “Do ta shkatërroj fytyrën”, Florian Marku kërcënon kundërshtarin para duelit të së dielës

Stili agresiv i boksierit shqiptar dhe përqindja më e lartë e nokauteve paralajmëron një natë mjaft të vështirë për Kongon.

Në çfarë kohe do të nis dueli mes Florian Markut dhe Chris Kongos?

Eventi do të mbahet më datë 31 mars, në O2 Arena të Londrës. Ndeshja mes Florian Markut dhe Chris Kongos pritet të fillojë në orën 21:30 sipas kohës tonë lokale.

Kjo ndeshje është pjesë e kategorisë së peshave të lehta dhe do të zgjasë 10 raunde.

Kini parasysh se koha e saktë kur Florian Marku dhe Chris Kongo do të hyjnë në ring mund të ndryshojë, kjo sepse ndeshjet paraprake që pritet të zhvillohen gjatë asaj nate mund të përfundojnë më shpejt ose të zgjasin më shumë se sa pritej./Telegrafi/

"The only thing he can do better than me is RUN!"

Florian Marku calling out Chris Kongo 💢#MarkuKongo x #WardleyClarke – Sunday pic.twitter.com/vcj4DQ1qfT

— Sky Sports Boxing (@SkySportsBoxing) March 29, 2024