Van Nistelrooy bëri një punë të shkëlqyer te Man United – ai së shpejti mund të fillojë punën e re

Ruud Van Nistelrooy bëri një lëvizje të shkëlqyer në kohën e tij të shkurtër në bankinën e Manchester United.

Klubit i duhej një zgjidhje e përkohshme para ardhjes së Ruben Amorimit dhe sulmuesi legjendar holandez u tregua pikërisht i tillë me tre fitore dhe një barazim pas shkarkimit të Erik ten Hag.

Mediat angleze shkruajnë se ai nuk do të jetë për shumë kohë pa punë.

Van Nistelrooy fitoi famë botërore duke luajtur dhe duke shënuar për Man United. Ai luajti 219 ndeshje dhe shënoi 150 gola mbresëlënës. Holandezi fitoi edhe kampionatin anglez.

Ai më vonë u transferua në Real Madrid dhe vazhdoi të luante lojëra të shkëlqyera, ndërsa e përfundoi karrierën e tij si lojtar në vitin 2012 në Malaga.

Pasi filloi karrierën e tij si trajner i ekipit të dytë të PSV-së, dhe më pas e çoi ekipin e parë në 33 fitore dhe 10 barazime në 51 ndeshje dhe i solli dy trofe, Van Nistelrooy ende pret një angazhim të vërtetë.

Me sa duket, ai mund të ofrohet nga Burnley.

Në të njëjtin kontekst u përmend edhe verën e kaluar, ndërsa po përmendet sërish tani që skuadra po lufton për hyrjen në Ligën Premierl nga Championship./Telegrafi/