Valverde largohet nga Real Madridi vetëm nëse paguhet klauzola prej 500 milionë eurosh

Real Madridi ua ka bërë të qartë klubeve të interesuara se mesfushori Federico Valverde është i paprekshëm dhe mund të largohet vetëm nëse paguhet klauzola e plotë për largimin e tij.

Para disa ditësh mediat e huaja raportuan se mesfushori uruguaian mund të largohet nga Reali në verë për të bërë vend për transferimet e mëdha që pritet të bëhen.

Ky lajm bëri që Valverde të lidhet me një transferim me klubet e mëdha angleze, Manchester Unitedi dhe Arsenali.

Lexo po ashtu Valverde mund të largohet nga Real Madridi, alarmohen gjigantët anglezë

Djajtë e Kuq ishin më të interesuar pasi trajneri Ole Gunnar Solskjaer synon të përforcojë mesfushën ende pas ardhjes së Bruno Fernandesit.

Megjithatë, transferimi i uruguaianit në Ligën Premier nuk pritet të ndodh, pasi Los Blancos i kanë bërë të qarta kërkesat e tyre të mëdha.

Sipas mediumit Daily Mirror, Djajve të Kuq u është thënë se Mbretërit do të marrin në konsideratë vetëm ofertat që plotësojnë klauzolën e largimit të 21-vjeçarit e cila peshon plot 500 milonë euro.

Valverde nuk ka gjasa të jetë e interesuar për një largim nga Santiago Bernabeu, pasi vendosi veten si lojtar kryesor për skuadrën e Zinedine Zidane këtë sezon. /Telegrafi/