Vajza tetë vjeçare nga Kosova humbi ndaj rivales serbe – sjellje e turpshme e trajnerit të Kosovës në teakwando pas mbylljes së meçit

Skena të turpshme janë parë në Kampionatin Evropian të Taekwondos për djem dhe vajza nga njëri prej trajnerëve të Kosovës, që po mbahet në Tiranë.

Një nga trajnerët e Kombëtares së Kosovës ka trajtuar dhunshëm një vajzë tetëvjeçare, e cila ka pësuar humbje.

Taekwondosja serbe Nina Savic fitoi medaljen e artë në Kampionatin Evropian për moshat 6 deri në 8 vjeç ku në finale mposhti Valina Fetiun nga Kosova.

Pas humbjes së vajzës nga Kosova, trajneri i Kosovës e ka sulmuar fizikisht.

Fillimisht ai e tërhoqi fort nga helmeta në kokë dhe më pas e goditi me shuplakë. Vajza ra në dysheme dhe filloi të qajë, shkruan klix.ba.

Më pas, një nga gjyqtarët e ndeshjes erdhi menjëherë dhe e përqafoi vajzën.

8-year-old Kosovar taekwondo athlete was slapped by her father and coach, Valmir Fetiu, during the European Cadet & Children’s Championship in Tirana. Fetiu said that the slap was meant “only to calm her down” after she lost in the final to a Serbian opponent. pic.twitter.com/VxZyLcP07X

— Githii (@githii) November 11, 2024

Sipas mediave nga rajoni, trajneri është dënuar menjëherë me gjashtë muaj.

Po ashtu Telegrafi ka kontaktuar me Federatën e Taekwondos së Kosovës për të kuptuar më gjerësisht për rastin për të cilin kanë raportuar edhe mediat e rajonit. /Telegrafi/