Ushtrimet më të mira për të ngritur gjoksin e varur: Riktheni pamjen tuaj rinore

Ushqimi i bebes me gji, oscilimet në peshë, ndryshimet hormonale, gjenetika dhe plakja mund të bëjnë që gjoksi t’ju varet

Në vend që të fillosh të hulumtosh në interneti, duke kërkuar shërbime të kirurgëve estetikë, më mirë është që njëherë të mësoni se si në mënyrë natyrale të riktheni vëllimin e gjoksit dhe t’i kundërviheni gravitacionit.

Ka ushtrime shumë efektive të cilat do të ngrenë gjoksin, dhe, veç kësaj, duke ushtruar do t’i forconi edhe duart, do të hiqni ndonjë kilogram të tepërt, do të përmirësoni humorin, por edhe do të krijoni shprehi të shëndetshme me stërvitje dhe rekreacion të përditshëm, transmeton Telegrafi.

Dhe më në fund, do të përfitoni shumë më tepër seç do të përfitoni nga silikonet dhe me atë rast do të kurseni edhe para.

Në vazhdim po ju zbulojmë pesë ushtrime të thjeshta për gjoksin. Ju duhet vetëm t’i bëni këto ushtrime rregullisht.

Pompat

Pompat janë ushtrimet më klasike të gjoksit. Kombinoni shtytjet në të cilat krahët tuaj janë të vendosur gjerësisht me ato në të cilat janë afër trupit. Në këtë mënyrë, ju do të siguroheni që të gjithë muskujt e kraharorit të funksionojnë. Në varësi të gjendjes tuaj fizike, zgjidhni llojin e shtytjeve. Nëse krahët janë ende të dobët, bëni shtytje në të cilat jeni në gjunjë, në këtë mënyrë do t’i lehtësoni krahët, domethënë do të ulni peshën me të cilën po i ngarkoni. Bëni dy grupe me 15 përsëritje çdo ditë.

Shtytje me shtangë

Shtrihuni në pajisjen e sheshtë në palestër dhe kapni një shtangë dore (mos e teproni, por rriteni gradualisht kur të vijë koha). Ngrini krahët pingul me trupin tuaj dhe filloni nga ai pozicion. Ulini ato anash duke i përkulur në bërryl dhe duke i ulur në nivelin e shpatullave. Krahët e sipërm do të jenë paralel me dyshemenë. Mbajeni këtë pozicion për dy deri në tre sekonda dhe kthehuni në pozicionin e fillimit. Kur kryeni ushtrimin, aktivizoni muskujt e trungut.

“Plank” duke ecur

Qëndroni në një pozicion të ulët, d.m.th. mbështetuni në parakrahët tuaj. Këmbët duhet të jenë larg gjerësisë së shpatullave. Aktivizoni të gjithë trupin, veçanërisht muskujt vitheve. Ngrini dhe ulni veten, në mënyrë alternative nga njëra anë dhe pastaj nga ana tjetër. Mundohuni të mos “vallëzoni” trupin tuaj majtas e djathtas. Kryeni ushtrimin për 30 sekonda dhe pushoni për 30 sekonda. Përsëriteni pesë herë.

“Shtyrja” e murit

Qëndroni një ose dy hapa larg murit, mbështetuni në të me duar, pak më gjerë se gjerësia e shpatullave. Përkulni krahët në bërryla, afroni gjoksin dhe mjekrën me murin, ndërsa këmbët mbeten në të njëjtin vend. Më pas, me një nxjerrje, shtyjeni veten nga muri në pozicionin e fillimit. Ky ushtrim është në fakt një shtytje në këmbë, dhe është gjithashtu i shkëlqyer nëse keni probleme me shpinën dhe duhet të shmangni shtytjen klasike për shkak të presionit në zonën e shpinës.

/Telegrafi/