Ushtria duhet ‘të përgatitet me të vërtetë për luftë’, paralajmërojnë ish-shefat e mbrojtjes dhe sigurisë në Britani të Madhe

Ushtria duhet të “përgatitet vërtet për luftë” për të penguar në mënyrë të besueshme kërcënimet, kanë sinjalizuar një grup ish-shefash të mbrojtjes dhe sigurisë, shkruan Sky News.

Duke ofruar këshilla për këdo që është kryeministër dhe sekretar i Mbrojtjes pas zgjedhjeve, një raport nga New Bletchley Network – i cili bazohej në idetë nga një diskutim midis një paneli ekspertësh – thoshte se një “zbrazje” e ushtrisë së rregullt dhe rezervave gjatë viteve duhet të kthehet mbrapsht, duke paralajmëruar se madhësia e forcës mund të jetë tashmë nën “masën kritike kombëtare”, transmeton Telegrafi.

Midis atyre që kontribuan në diskutim ishin Lord Mark Sedwill,  ish-sekretar kabineti dhe këshilltar për sigurinë kombëtare, Lordi George Robertson, ish-kreu i NATO-s dhe sekretari i Mbrojtjes dhe gjenerali Lord David Richards, ish-kreu i forcave të armatosura të Britanisë Madhe.

Ndërhyrja vjen mes shqetësimeve në rritje për dështimin e qeverisë së Rishi Sunak për të rritur shpenzimet e mbrojtjes në ‘Buxhetin e Pranverës’, pavarësisht se Sekretari i Mbrojtjes, Grant Shapps, paralajmëroi se Britania e Madhe ishte në një “botë të paraluftës” dhe Rusia ende po bën një luftë në shkallë të plotë në Ukrainë.

Duke u fokusuar në ushtrinë e Britanisë së Madhe, raporti, i botuar të mërkurën, paralajmëroi se “parandalimi bazohet në besueshmëri”.

“Besueshmëria e ushtrisë britanike është dobësuar nga 20 vite më shumë zbrazje dhe pakësimi i fuqisë luftarake. Morali i ushtrisë është i brishtë”, thuhet ndër tjera.

Kjo theksoi një “sinjal serioz zgjimi” nga një figurë e lartë në NATO, i cili paralajmëroi se ushtria britanike nuk është më një forcë luftarake e nivelit të lartë, ose “Tier 1”.

Këto komente, nga një gjeneral i lartë amerikan, u zbuluan për herë të parë nga Sky News vitin e kaluar.

Raporti thoshte: “Për të qenë të besueshëm në aspektin e parandalimit, ne duhet të përgatitemi vërtet për luftë dhe t’ia komunikojmë këtë armiqve të mundshëm, NATO-s dhe aleatëve, dhe veçanërisht opinionit britanik”. /Telegrafi/