Ushqimet që duhet t’i hanë njerëzit mbi 40 vjeç për të humbur peshë më shpejt

Me kalimin e moshës, gradualisht fillojmë ta humbim masën muskulore, e cila fatkeqësisht lehtëson procesin e shtimit të peshës. Nutricionistët kanë veçuar disa ushqime që njerëzit mbi 40 vjeç duhet t’i hanë më shpesh për të humbur peshë.

Nutricionistja Lisa Young ka thënë për revistën Eat This, Not That se duhet t’i përfshini farat e lirit në dietën tuaj, të cilat janë një burim i shkëlqyer i acideve omega-3 yndyrore dhe fibrave. Studimet kanë treguar se ngrënia e afërsisht 30 gramë fibra në ditë ndihmon në procesin e humbjes së peshës.

Lexo po ashtu Suplementet e domosdoshme për organizmin tuaj do t’ju ndihmojnë edhe të humbni peshë

Gjithashtu duhet të hani më shumë mjedra, manaferra, luleshtrydhe dhe boronica të freskëta. Ato përmbajnë sasi të larta të lëndëve ushqyese dhe antioksidantë: 240 gramë manaferra kanë afërsisht tetë gramë fibra, ndërsa 240 gramë mjedra kanë 9.8 gramë fibra.

Sigurisht, aty janë edhe arrat, të cilat përmbajnë antioksidantë si karotenoidet, tokoferolet (vitamina E), flavonoidet dhe resveratrolin. Po kështu, hulumtimet tregojnë se ngrënia e arrave mund të rezultojë në humbje më të madhe në peshë dhe rritje të ndjeshmërisë ndaj insulinës.

Lexo po ashtu Shprehitë që duhet larguar për të pasur bark të sheshtë

Edhe lakra turshi mund të jetë e dobishme. Është plot me fibra që do t’ju mbajë të ngopur për më gjatë. Do të eliminojë dëshirën tuaj për vakte shtesë gjatë ditës. Redukton përthithjen e yndyrës dhe ka lëndë ushqyese kryesore për humbje peshe, si hekur, acid folik, vitaminë C, mangan dhe kalium. /Telegrafi/