Ukrainasi 15-vjeç hidhet me parashutë nga kati i 14-të i ndërtesës, nuk i hapet parashuta – mbetet i vdekur në vend (Video, +16)

Një djalë 15-vjeç ka mbetur i vdekur në vend, pasi nuk iu hap parashuta kur u hedh nga maja e një ndërtese të lartë në Ukrainë.

Bogdan Firsov kishte kërcyer nga kati i 14-të i një ndërtese në pjesën lindore të Ukrainës, Makiivka, transmeton Telegrafi.

Por, ajo çfarë është më e tmerrshme një i ri dhe nëna e tij derisa e kishin shikuar adoleshentin duke u hedhur me parashutë, janë dëgjuar duke inkurajuar të riun.

Në videon amatore të publikuar më poshtë shihet se si hidhet nga ndërtesa dhe derisa binte poshtë, duket se lartësia nuk ishte e mjaftueshme për hapjen e parashutës dhe kështu përfundoi i përplasur në tokë, duke mbetur i vdekur në vend.

Një dëshmitar i kësaj ngjarje të tmerrshme ka deklaruar për mediat lokale se turma e qytetarëve ishin mbledhur për ta shikuar, dhe se asnjëri prej tyre nuk ishte munduar ta ndalë – përkundrazi e filmonin.

Ekspertët pretendojnë se edhe parashutat e profesionistëve, nuk do ta shpëtonin pasi që ai kishte kërcyer nga 70 metra lartësi që ishte e pamjaftueshme për hapjen e parashutës.

Qyteti Makiivka nga ku është hedhur me parashutë adoleshenti gjenden në pjesën lindore të Ukrainës që kontrollohet nga forcat pro-ruse. /Telegrafi/