Janë hedhur kritika në drejtim të ministrit të Financave, Hekuran Murati se nuk po është i qasshëm ndaj kërkesave të kryetarëve të komunave të Kosovës, ndërkaq lidhur me këtë ka folur edhe kryetari i Gjilanit, Alban Hyseni që vjen nga radhët e Lëvizjes Vetëvendosje.
Në një deklaratë para gazetarëve pas përfundimit të takimit të kryetarëve të komunave me kryeministrin Albin Kurti dhe ministrave, e ku ishte i pranishëm edhe Hekuran Murati, kryetari i Gjilanit tha se nuk mund të pretendohet që disa prej problematikave që diskutohen e janë të trashëguara që 20 vjet të zgjidhen për një ose dy vjet, raporton Telegrafi.
Një rast të tillë, ai përmendi çështjen e ujit të pijes në Mamushë që sipas tij si problem i trashëguar që 20 vjet nuk mund t’i bëhet zgjidhje menjëherë.
Ai ka folur edhe për çështjen e ngritur në takim, komunikimit ndërmjet ministrave dhe kryetarëve të komunave.
“Sa i përket komunikimit duhet të kuptojmë se një ministër ka agjendë të ngjeshur dhe mund të ketë vonesa në përgjigje. Por, në fund të fundit secili ministër është i obliguar që edhe sipas ligjit t’i përgjigjet kërkesave që i merr.
Për dallim nga e kaluara që haptas dhe në mënyrë të fshehur janë përkrah komunat politikisht kjo tash nuk ndodh një gjë e tillë”, tha ai.
Sipas tij, ka raste kur kërkesat që i adresojnë kryetarët janë më të arsyeshme dhe adresohen më shpejtë, si rasti i trajtimit të impiantit të ujërave të zeza në Gjakovë.
I pyetur se a ia hap telefonin ministri Murati, ai tha “ndodh që edhe nuk na e hap telefonin edhe neve…. nuk është komunikimi i atillë çfarë mund të pretendohet…nuk jemi në linjë të komunikimit 24 orë…”.
“…kemi shumë probleme e telashe, shembull mua në Gjilan mund të më jenë bllokuar llogaritë bankare të komunës për shkak të borxheve dhe nuk ka mundur të më bëjë zgjidhje as ministri..
E kuptoj ministrin që ka agjendë të ngjeshur dhe nuk mund të hapë telefonin ndonjëherë… Nëse kryetarët e komunave pretendojnë se ministri duhet të jetë 24 orë në shërbim të kryetarit të komunës është pak e tepërt… Sigurisht problemet e komunikimit ekzistojnë mes kryetarit e qytetarëve, por edhe kryetarit e ministrit…”, tha më tej kryetari i Gjilanit.
Ai para gazetarëve foli edhe rreth organizimit të Asociacionit të komunave të Kosovës.
Sipas tij, njofton Telegrafi në shumë raste ka një tendencë të organizmit të Asociacionit kundrejt politikave të qeverisë, që deri në një masë në një garë politike mund të jetë e kuptueshme por shumë herë edhe mund t’i kalojë edhe ata kufijtë e asaj normales që mund të kuptohet.
Duke folur për punën e Asociacioni, Hyseni tha “Kemi qenë katër komuna nga LVV-ja tash jemi 6 edhe përbërja në Asociacion duhet të diskutohet sepse tash jemi prej subjekteve që nuk jemi të fundit për nga numri i komunave… jemi të gatshëm të jemi pjesë e takimeve të Asociacionit dhe të diskutojmë tema me rëndësi për qytetarët se pavarësisht se cilit subjekt i takojmë ne i shërbejmë qytetarëve dhe kjo duhet të ishte interesi jonë primar dhe kryesor”.
Sa i përket të hyrave vetanake, ai tha se komuna e Gjilanit nuk e ka këtë problematikë pasi shumicën e mjeteve i ka shfrytëzuar, diku 97 për qind e buxhetit është realizuar.
Hyseni sa i përket tatimit në pronë tha se duhet të gjendet zgjidhje, gjersa njoftoi se është premtuar që Asociacioni dhe Qeveria të vazhdojnë takimet që kjo çështje të trajtohet në nivel më serioz. /Telegrafi/
Promo
Reklamo këtuLufta Prigozhin - Putin
Më shumëGazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Policia serbe e dërgon në paraburgim mërgimtarin nga Gjakova që e arrestoi në kufi
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maltretimi i kosovarëve në Serbi, eurodeputetja holandeze i reagon Vuçiqit
U arrestua nga Serbia, lirohet zëvendësdrejtori i Policisë së Kosovës
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi