U tha se u nda nga bashkëshorti dhe filloi lidhje me regjisorin e emisionit të saj, Arbana Osmani thumbon mediat për spekulimet

Emri i Arbana Osmanit ka javë prej kur është kryetemë në portale.

U nis së pari me raportimet për ndarjen nga bashkëshorti e më pas, u vazhdua me shkrimet për lidhjen e re të supozuar me regjisorin e programit, Eduart Grishaj.

E këtë javë, Arbana mbushi sërish ballinat me një tjetër raportim.

https://www.instagram.com/p/BuPKKf3AQDc/

U tha se prezantuesja dhe autorja e ‘Dua të të bëj të lumtur’ u largua nga Top Channel teksa arsyet u shndërruan në një dramë në vete.

Nga përplasja me Drejtorin Blushi tek problemet financiare, ato të lidhura me Renato Mekollin e së fundmi edhe mbi një postim përkrahës për të dashurin regjisor, pothuajse nuk ngeli gjë pa u aluduar tek arsyet e ‘largimit’.

https://www.instagram.com/p/Buy8lkHA6Lv/?utm_source=ig_embed&utm_campaign=embed_loading_state_camera

E më në fund, ka reaguar vetë Arbana.

Siç vepron rëndom çdo javë, ajo ka paralajmëruar shikuesit për takimin e rradhës shoqëruar me një thumb tek pjesa e falenderimeve. Përpos falenderimeve për grimeren e frizeren, Arbana ka rezervuar një koment edhe për portalet “për shfrenimin e fantazisë në lajme nga më të pabesueshmet por që gjithsesi, shumë argëtuese”.

Arbana Osmani megjithatë duket se nuk u largua nga Top Channel dhe vazhdon të jetë fytyra e një prej emisioneve më të shikuara, shkruan Blitz.