U kërkua nga shumë skuadra, Thuram tani do të vendos mes Ligue 1 dhe Serie A

Marcus Thuram është një futbollist i lirë pasi i ka përfunduar kontrata me Borussia Moenchegladbach, por ai ende nuk ka marrë një vendim përfundimtar për të ardhmen e tij.

Sulmuesi francez është vershuar nga ofertat, por çuditërisht deri më tani nuk ka vendosur ende se ku do ta vazhdoj karrierën.

E përditshmja franceze L’Equipe ka raportuar se gara për të nënshkruar me Thuram është ngushtuar në dy skuadra, me Milanin dhe PSG-në që shihen si favoritët kryesorë.

Lexo po ashtu Javë vendimtare për të ardhmen e Thuram, top klubet evropiane pas tij

25-vjeçari ka pasur një vit të jashtëzakonshëm, ku në 32 ndeshje zyrtare ka realizuar 16 gola dhe ka asistuar në shtatë të tjerë.

Në garë për të ishin edhe Barcelona, Inter, Bayern Munich, RB Leipzig, Borussia Dortmund e Atletico Madrid, por që këto klubet nuk janë më një opsion për Thuram.

Lexo po ashtu Top skuadrat italiane rivalizojnë Barcelonën për Marcus Thuram

Reprezentuesi francez ka vendosur që karrierën ta vazhdoj në kryeqytetin francez Paris duke nënshkruar me PSG-në ose në Milano, ku ka ofertën në tavolinë nga Rossonerët.

Gjithsesi duket se dy klubet i kanë plotësuar kërkesat francezit dhe ai pritet të vendos këtë javë se cilës skuadër do t’i bashkohet përfundimisht. /Telegrafi/