Tringa Shala, një tjetër aktore nga Kosova që i bashkohet kinematografisë turke

Kinematografia turke që një kohë të gjatë ka qenë e pasuruar me aktorë shqiptarë, e më së shumti kjo gjë është vënë re viteve të fundit.

Thuajse çdo vit e çdo muaj të ri ka pasur raportime për aktorët nga Kosova e Shqipëria që i janë bashkuar një filmi apo seriali turk.

E ky trend po vazhdon akoma, ndonëse seritë turke na kanë shoqëruar gjithnjë në ekranet tona.

Një artiste nga Kosova po ashtu është bërë pjesë e një filmi të ri, që pritet të ketë premierën në muajin shtator.

Bëhet fjalë për aktoren me prejardhje nga Peja, Tringa Shala (24-vjeçare), e cila siç mëson Telegrafi është bërë pjesë e një filmi të zhanrit komedi-romancë të titulluar “Cunku”, që përfshin një sërë figurash të tjera ndërkombëtare.

Lexo po ashtu Të gjitha lajmet nga Kinematografia

Bukuroshja, e cila ka mbaruar studimet në Universitetin e Arteve në Tiranë, luan rolin kryesor dhe pikërisht një shqiptare në këtë projekt.

E njëjta mes tjerash do të shfaqet përkrah aktores shumë të njohur e të dashur turke, Guler Okten.

Telegrafi tutje mëson se gjithçka nisi një vit më parë kur Shala ishte ftuar në një audicion, e ndërkohë që një javë më parë ka bërë provat për të kuptuar më shumë se si ndodhet me shqiptimin turk.

Aktorja, e re që besohet se do të arrijë majat e suksesit duke besuar në vlerat dhe potencialin që posedon, është cilësuar e denjë për rolin.

Megjithëse nuk ka ende një datë të saktë të publikimit, xhirimet kanë nisur nëpër vende të ndryshme nëpër Turqi dhe pritet të përfundojnë së shpejti.

Përveç Tringës, vëmendje të madhe këtë kohë ka marrë edhe modelja e prezantuesja, Arbnora Ademaj, e cila prej më shumë se dy vitesh ka pushtuar kinematografinë turke.

Lexo po ashtu Arbnora Ademaj shpërblehet me çmimin "Aktorja më e mirë e huaj" në festivalin prestigjioz, Mood Awards në Turqi

Asaj iu besua një rol në “Kirik Hayatlar”, për të cilin mori vlerësime të larta nga kritikët e filmit.

View this post on Instagram

A post shared by Tringa Shala (@tringaashala)

Por jo vetëm kaq, janë përfolur edhe shumë emra të tjerë të suksesshëm shqiptarë, që edhe nga aktorët turk kanë pasur vlerësime për talentin dhe përkushtimin në industrinë e filmit. /Telegrafi/

View this post on Instagram

A post shared by Tringa Shala (@tringaashala)