Trajneri i Miller thotë se e kishte paralajmëruar amerikanin që mos t’i merrte substancat e ndaluara

Trajneri i Jarrell Miller më në fund ka folur publikisht për ndalesën e boksierit dhe përdorimin e substancave të ndaluara.

Boksieri amerikan ishte përgatitur që të përballej më Anthony Joshuan, mirëpo dështoi dy herë në testet anti-doping në shansin për t’u bërë më i mirë i botës në boks.

Miller është suspenduar për gjashtë muaj nga ushtrimi i profesionit të boksit, por edhe kishte humbur mundësinë që t’i fitonte 10 milionë euro nga përballja me britanikun.

Boksieri nga New Yorku ka thënë se ai dështoi në testet për shkak të disa medikamenteve që kishte marrë shkaku i një lëndimi që kishte pësuar bërryl.

Trajneri i Miller, Harry Keitt, ka zbuluar se ai e kishte paralajmëruar boksierin që mos t’i bënte ato gjëra, por nuk e kishte dëgjuar.

Lexo po ashtu Miller përgjigjet rreth humbjes së Joshuas ndaj Ruizit

“E kam paralajmëruar atë disa herë që mos t’i bëjë ato gjëra, por ai i bëri. Unë jam kundër atyre gjërave (substancave të ndaluar”, ka thënë trajneri i amerikanit.

Miller e kishte shansin më të mirë në karrierë që t’i fitonte titujt WBA, WBO dhe IBF, mirëpo vendin e tij e zuri Andy Ruiz që e mposhti më 1 qershor Joshuan. /Telegrafi/