“Tori Penso nuk është e aftë për të gjykuar një lojë nën 10 vjeç”, gjyqtarja e finales kritikohet për vendimet në finalen Spanjë-Angli

Gjyqtarja e finales së Kampionatit Botëror për femra, Tori Penso, po përballet me kritika nga tifozët për mosmarrjen e masave të forta për një vendim që mund të ndryshonte lojën. Ndërsa Spanja siguroi fitoren ndaj Anglisë me një gol të vetëm nga Olga Carmona, polemika u ngrit kur VAR dha një penallti për Spanjën.

Mary Earps e Anglisë e priti penalltinë, por tifozët ishin të mërzitur që lojtares spanjolle, Salma Paralluelo, nuk iu dha kartoni i dytë i verdhë për humbje kohe pas një incidenti të mëparshëm. Tifozët në rrjetet sociale akuzuan arbitren se ka shmangur një vendim vendimtar në ndeshje.

“Kjo gjyqtare në një Botëror është i turpshëm. Mund të shihet qartë se si ajo dëshiron që Spanja të fitojë. Nuk u jep lojtareve spanjolle një të verdhë të dytë. U jep lojtareve spanjolle faull për asgjë, por nuk i jep Anglisë asnjë faull kur është një faull i dukshëm. E turpshme”, ka shkruar një tifoz në Twitter.

Lexo po ashtu Në një finale spektakolare, Spanja mposht Anglinë dhe shpallet kampione e botës në konkurrencën e femrave

I dyti shkroi: “Gjyqtarja për finalen e Kampionatit Botëror ishte në një siklet. Ajo bëri kaq shumë vendime të gabuara. Spanja ishte skuadra më e mirë, por Anglisë iu grabitën faullet, goditjet e lira dhe një karton të kuq”.

“Në rregull, Spanja na mposhti, ata e meritojnë fitoren. Por, çfarë bën Anglia për të ngacmuar aq shpesh gjyqtarët? Penso ishte një skandal”, ka shkruar një tifoz i tretë.

Ndërsa një tjetër tifoz komentoi: “Në jetën time nuk kam parë kurrë një gjyqtare kaq të keqe, kaq të njëanshëm … Spanja ka dominuar lojtaret e Anglisë gjatë gjithë lojës, por hej nëse dërgon një gjyqtare të nivelit të tillë, vendimet gjithmonë do dalin skandaloze”.

“Tori Penso nuk është e aftë për të gjykuar një lojë djemsh nën 10 vjeç. Si dreqin u përzgjodh ajo për këtë finale dhe humbi disa goditje dënimi flagrante për Anglinë”, ka komentuar një tjetër mbështetës në rrjetet sociale. /Telegrafi/