Top 10 blerjet më të shtrenjta në Serie A këtë sezon

Afati kalimtar është mbyllur në Itali, ku këtë edicion janë thyer rekorde të rëndësishme. 

Juventusi ka ofruar një lojtar si Cristiano Ronaldo që e ka fituar pesë herë ‘Topin e Artë’.

Zonja e Vjetër për të ka paguar 100 milionë euro, ndërsa lojtari do të përfitojë 30 milionë euro në sezon.

I dyti është Gonzalo Higuain që kaloi nga Juven te Milani, si huazim për 20 milionë euro, ndërsa në fund të sezonit do të paguhen edhe 36 milionë euro tjetra, ku vlera e tij shkon në 56 milionë euro.

Interi e ka paguar te Roma, Radja Nainggolan plot 38 milionë euro.

Në top 10 futen edhe emra si Steven Nzonzi, Leonardo Bonucci e Fabian Ruiz.

Më poshtë e gjeni listën prej 10 transferimeve më të mëdha këtë afat kalimtar në Itali. /Telegrafi/

10 – Simone Verdi, 25 milionë, nga Bologna në Napoli

9 – Duvan Zapata, 26 milionë (huazim me drejtë blerje), nga Sampdoria  te Atalanta

8 – Steven Nzonzi, 26.65 milionë – Nga Sevilla në Roma

7 – Fabian Ruiz, 30 milionë, nga Betisi në Napoli

6 – Mattia Caldara, 35 milionë, nga Juventusi në Milan

5 – Leonardo Bonucci, 35 milionë, nga Milan në Juventus

4 – Radja Nainggolan, 38 milionë, nga Roma në Inter

3 – Joao Cancelo, 40.4 milionë, nga Valencia në Juventus

2 – Gonzalo Higuain, 54 milionë euro (huazim me drejtë blerje), nga Juventusi në Milan

1 – Cristiano Ronaldo, 100 milionë, nga Real Madridi në Juventus