Legjenda e Milanit, Demetrio Albertini e ka krahasuar mesfushorin Sandro Tonali me ish-futbollistin e Juventusit dhe Italisë, Antonio Conten.
Lojtari 22-vjeçar ka qenë pjesë përbërëse e marshimit të Rossonerëve drejt titullit me një fitore jetike në minutën e fundit kundër Lazios, si dhe dy gola në fitoren e fundit 3-1 ndaj Veronës.
Dhe Albertini, i cili fitoi pesë tituj të Serie A, Ligën e Kampionëve dhe shumë trofe të tjerë në Milan, tha se Tonali është një lojtar i ngjashëm me trajneri e Tottenham Hotspurit kur ishte lojtar.
“Ai më kujton shumë Antonio Conten”, deklaroi Albertini për La Gazzetta dello Sport. “Një mesfushor që luan për ekipin dhe ka tipare të larta individuale”.
Albertini tha gjithashtu se Tonali tani do të vlejë pesëfishin e tarifës fillestare të huazimit prej 10 milionë eurosh që Milani i pagoi Brescias për shërbimet e tij në vitin 2020.
“Për momentin, ai është i paçmuar”, shtoi Albertini. “Para së gjithash, sepse ai nuk është në treg dhe gjithashtu sepse sezoni nuk ka përfunduar ende”.
“Nëse ai fiton Scudetton, situata mund të ndryshojë dhe vlera e tij mund të shkojë mbi 50 milionë euro”.
Milani e fitoi titullin për herë të fundit në vitin 2011 dhe, pavarësisht se i nevojitej vetëm një fitore dhe një barazim nga dy ndeshjet e fundit për të garantuar mbylljen e sezonit si kampion i Serisë A, Albertini i vlerëson shanset e tyre për të mposhtur rivalët e Interit vetëm në 60 për qind.
#Albertini su #Tonalihttps://t.co/haOOphhxQ6
— Milan News 24 (@Milannews24_com) May 10, 2022
“Para ndeshjes (kundër Veronës) ndjeva se Milani kishte pak më shumë se 50 për qind të përfundimit në vend të parë”, potencoi Albertini. “Tani mendoj se jemi në një 60 për qind të mirë”.
“Do të jetë e vështirë kundër Atalantës, por unë shoh një skuadër që është e gatshme dhe e vetëdijshme – dhe me shumë cilësi. Kushdo që thotë se Milani është më i miri nga më të këqijtë, më bën të qesh sepse nuk është kështu”, shtoi më tej legjenda e Rossonerëve. /Telegrafi/
Promo
Reklamo këtu
Nga Albi Mall
Nga MEKA HALAL FOOD
Nga Edil Project
Nga Petrol Company
Lufta Prigozhin - Putin
Më shumë
Nga Rubrika
Superkompjuteri parashikon se kush do të shpallet kampion i Ligës Premier këtë sezon
Rodri më në fund shpjegon se përse thumboi Viniciusin menjëherë pasi fitoi Topin e Artë
Lëndimi e detyron t’i jap fund karrierës në moshën 19-vjeçare njërin prej lojtarëve më premtues të Real Madridit
"E dija që isha në Milano për një arsye" - 'Perandori' nuk lë gjë pa rrëfyer
Ish-ylli i Real Madridit i bindur se Man United ka marrë ‘trajnerin më të mirë në botë’
Po cilësohet si skandali i vitit në La Liga – Komiteti i Gjyqtarëve jep verdiktin për golin e Lewandowskit
Lëndimi e detyron t’i jap fund karrierës në moshën 19-vjeçare njërin prej lojtarëve më premtues të Real Madridit
Ylli kroat refuzoi Real Madridin, kishte një arsyeje shumë të veçantë
Pas lirimit nga burgu - Dani Alves tenton ta rivalizojë Facebook-un
