Tifozi shqiptar i flaktë i Liverpoolit shkurton flokët siç kishte premtuar në një lidhje direkt në rrjetet sociale

Liverpool është shpallur kampion pas 30 vitesh në Ligën Premier, një pritej e madhe për tifozët e kësaj skuadre, që tashmë  janë jashtëzakonisht të lumtur.

Sot Liveproolit me kapitenin e saj Jordan Henderson ka ngritur lartë trofeun e shumëpritur.

Ukë Krasniqi është nga ata tifozë që e dashurojnë ekipin e tyre, duke marrë dhe vendime sa të “çmendura” aq edhe të bukura.

Ai ka vendosur që prej vitit 2003, të mos i prej flokët e tij deri sa Liverpool të dalë kampion i Anglisë.

Lexo po ashtu Tifozi shqiptar i Liverpoolit do t’i shkurtojë flokët pas 17 vitesh në momentin kur Henderson ngrit trofeun

Krasniqi është njëri-ndër fansat më të flaktë të kësaj skuadre ku ka udhëtuar në shumë ndeshje për ta parë skuadrën e tij nga afër.

Por sonte Krasniqi i ka dhënë fund aventurës së tij me flokë të gjata duke i prerë ato në një lidhje direkt në Facebook.

“Në momentin që kapiteni Jordan Henderson ta dërgojë trofeun lart, unë do të qethem. Ky edicion ka qenë i jashtëzakonshëm, por edhe zhgënjyes për shkak të pandemisë, por në fund gjithçka përfundoi si është më së miri”, kishte thënë Krasniqi për Telegrafin, duke mbajtur fjalën.

Dukej ndryshime pa dyshim, por simboli që e dallon ishte ende aty, fanella e Liverpoolit. /Telegrafi/