Më thuaj çfarë nepsi ke të të them se çfarë i mungon trupit tënd; të gjitha dëshirat e stomakut e kanë një kuptim

Ju mund të shkoni të flini dhe të zgjoheni akoma duke menduar për të ngrënë atë copë çokollate të shijshme, ose ndoshta mund të luftoni për të jetuar qoftë edhe një ditë pa domate

Këto lloj dëshirash mund të nënkuptojnë se jeni të stresuar, por sipas disa studiuesve, mund t’ju mungojnë edhe disa lëndë ushqyese.

Nëse trupi juaj kërkon ushqime pikante

Përveç përshpejtimit të metabolizmit, një përbërës i quajtur kapsaicinë që ndodhet në ushqimet pikante mund të lehtësojë dhimbjen në nyjet dhe muskujt tuaj dhe madje mund të largojë migrenën tuaj.

Ne mund ta konsumojmë në mënyrë të pavetëdijshme dhe të mos e kuptojmë se na bën të ndihemi më mirë.

Çokollata e zezë

Disa çokollata të zeza përmbajnë më shumë kafeinë sesa një kanaçe kola (rreth 30 mg). Ky komponent rrit zgjimin dhe energjinë tuaj sepse stimulon sistemin nervor qendror.

Pra, çdo herë që ndiheni të lodhur dhe të përgjumur, është normale të dëshironi një copë çokollatë për t’u bërë më produktiv.

Gjalp kikiriku

Në përgjithësi, gjalpi i kikirikut është i pasur nga ana ushqimore. Ai përmban një përbërës që përdoret për të bërë ilaçe, kryesisht për uljen e niveleve të kolesterolit, shkruan Living.

Ju gjithashtu mund të dëshironi gjalpë kikiriku për shkak të një mungese në vitamina. Ky produkt është një burim i proteinave, antioksidantëve, yndyrës, hekurit, magnezit dhe kalciumit.

Akulli

Dëshira për të përtypur akull shpesh shoqërohet me një mungesë hekuri. Mund të ndodhë me ose pa anemi.

Arsyeja aktuale e dëshirës është e paqartë, por ekziston një sugjerim që përtypja e akullit mund të rrisë hekurin nëse keni probleme me aneminë. /Telegrafi/